اتىراۋدا بۇگىن تاڭ اتىسىمەن ەكى قاباتتى 16 پاتەرلىك ءۇيدىڭ توبەسى وپىرىلىپ، شاڭىراعى ورتاسىنا ءتۇستى. قار ارالاس جاۋعان جاۋىننىڭ سالدارىنان بولعان توسىن جاي تۇرعىنداردىڭ زارە-قۇتىن قاشىرعان. ابىروي بولعاندا ادامدارى ءدىن امان. الايدا، «تاۋەلسىزدىگىمىزدىڭ 25 جىلدىعىندا توزىعى جەتىپ، شاتىرى قۇلاعان پاتەردە قالدىق» دەگەن تۇرعىندار بيلىكتەن قايىر بولماي وتىرعانىن ايتادى.
روزا تايلىبايەۆا، قالا تۇرعىنى:
- داۋىس ەستىلدى بىزگە ستراشنو. قاراساق ەسىك اشقىزبايدى بىزگە، شاڭ. ءارى بەرىدەن سوڭ شىعىپ قاراساق، مىناداي يستوريا بولىپ جاتىر ەكەن. كەتەسىڭدەر دەپ بەرگەنىنە وسىنداي بولدى. بيىل 9 جىل بولدى. سودان بەرى كەلە جاتىرمىز ءبىز وسىلاي. ءۇي جوق، ءالى. اينالامىزدىڭ ءبارى كەتتى. ورتاسىندا ءبىر ءۇي قالىپ وتىرمىز.
تۇرعىنداردىڭ ايتۋىنشا، ەكى قاباتتى مىنا ءۇي 1969 جىلدارى پايدالانۋعا بەرىلگەن. 46 جىل بولعان 16 پاتەرلىك ءۇيدى قازىرگى تاڭدا جۇزدەن استام ادام پانالاۋدا. جىلۋى، كوگىلدىر وتىنى مەن ىستىق سۋى جوق باسپانانىڭ بۇگىنگى سيقى ادام شوشىرلىق. سەبەبى، «2007 جىلدان بەرى اپاتتى دەپ تانىلعان باسپانامىز اقىرى قۇلاپ تىندى. ءبىراق بيلىكتەگىلەردى ءالى دە الاڭداتار ەمەس» دەپ اشىنادى تۇرعىندار. ال اقجاعالىلار بولسا، 16 پاتەرلىك ءۇيدىڭ تۇرعىندارىنا «2011 جىلدان بەرى باسقا پاتەرگە كوشۋلەرىنە جاعداي جاسالعاندىعىن، الايدا تۇرعىندار ءبىراۋىزدان قالا ورتاسىنان عانا پاتەر تالاپ ەتىپ، ۇسىنىلعان باسپانادان باس تارتقاندارىن ايتادى. ايتۋلارىنشا قازىرگى تاڭدا مەملەكەتتىك تۇرعىن ءۇي قورىندا بوس تۇرعىن ءۇي جوق كورىنەدى.
قايرات كەنجەالييەۆ، اتىراۋ قالالىق تۇكش جانە اج ءبولىمى باسشىسىنىڭ ورىنباسارى:
