نۇرسۇلتان نازاربايەۆ قازاقستاندا بەبي-بۋمدى قولداۋعا شاقىردى، - دەپ حابارلايدى  ult.kz

قازاقستان پرەزيدەنتىنىڭ ايتۋىنشا، ەگەر ءسابيدىڭ دۇنيەگە كەلۋ دەڭگەيى تومەن بولسا، كەز كەلگەن ۇلتتىڭ جويىلۋ ءقاۋپى بار. 

"الەمدىك ماماندار ايتادى، ەگەر ەلدە تۋۋ دەڭگەيى 2،11 پايىزدان تومەن بولسا، كەز كەلگەن ۇلت 25 جىلدا جوق بولادى. ال ودان كوپ بولسا، ول ارينە جاقسى. سول سەبەپتى دە قازاقستاندا بەبي-بۋمدى قولداپ وتىرۋ قاجەت. بۇل ارينە ەلدەگى ەكونوميكالىق جاعداي مەن حالىقتىڭ تۇرمىسىنا بايلانىستى. استانا ەۋروپالىق مەگاپوليسكە اينالادى، ونىڭ تۇرعىنى ءۇش ميلليوننان اسىپ تۇسەدى. الماتى دا دامۋىن ۇدەتە تۇسەدى. باسقا دا وبلىستار ءوز تۇرعىندارىن ميلليونعا جەتكىزەدى، وندا عىلىم مەن تەحنولوگيا دامىيتىن بولادى. بۇل الەمدىك تاجىريبە"، - مەملەكەت باسشىسى.

وسىعان دەيىن "مەن ۇكىمەتكە كەلەسى جىلى 2016 جىلمەن سالىستىرعاندا زەينەتاقى مولشەرىن 20 پايىزعا ءوسىرۋدى تاپسىرامىن. بۇل 2،2 ميلليون قازاقستاندىقتى قامتۋى ءتيىس. سونىمەن قاتار، 2017 جىلدىڭ 1 شىلدەسىنەن باستاپ بالانىڭ دۇنيەگە كەلۋىنە وراي بەرىلەتىن ءبىر رەتتىك جاردەماقى مولشەرىن 20 پايىزعا ءوسىرۋدى تاپسىرامىن، - دەدى نازاربايەۆ. - قازىرگى ۋاقىتتا ءبىزدىڭ ەلدە بالالاردىڭ دۇنيەگە كەلۋى وتە جوعارعى دەڭگەيدە. 55 پايىزعا ءوستى، بۇل ءبىز ءۇشىن وتە جاقسى"