ەۋروپالىق وداق قازاقستان رەسپۋبليكاسىن مەملەكەتتىك تاۋەلسىزدىكتى جاريالاۋدىڭ 25 جىلدىعىمەن قۇتتىقتايدى.
ەۋروپالىق وداق قازاقستاندا ترانسفورماسيا ۇدەرىستەرىن قولدايدى جانە قازاقستان حالقىنىڭ يگىلىگى ءۇشىن وسى باعىتتاعى جۇمىستى جالعاستىراتىن بولادى. ءبىز كەڭەيتىلگەن ارىپتەستىك پەن ىنتىماقتاستىق تۋرالى كەلىسىم جانە ورتالىق ازيا بويىنشا ەو ستراتەگياسى نەگىزىندە ەلدىڭ دامۋى، تۇراقتىلىعى مەن قاۋىپسىزدىگى جولىندا ۇزاق مەرزىمدى قاتىناستارعا مۇددەلىمىز. كەلەسى جىلى ەكسپو-2017 كورمەسىن وتكىزۋ اياسىندا قازاقستانعا بارىنشا تابىس تىلەيمىز.
بريۋسسەلدە 4 قازاندا وتكىزىلگەن ەو-قازاقستان ىنتىماقتاستىق كەڭەسى جاڭا كەلىسىمگە قول قويىلعاننان كەيىن ورىن العان العاشقى باسقوسۋ بولىپ، كەلىسىمنىڭ ۋاقىتشا قولدانىلۋىن، سونداي-اق بارلىق سالالارداعى ءبىزدىڭ ەكىجاقتى قارىم-قاتىناستاردىڭ نىعايۋىن قاراستىرۋعا مۇمكىندىك بەردى. بىرىككەن ۇلتتار ۇيىمى قاۋىپسىزدىك كەڭەسىندە قازاقستاننىڭ الداعى مۇشەلىگى ءبىزدىڭ ءوزارا ىنتىماقتاستىعىمىزدى كوپجاقتى فورۋمدار شەڭبەرىندە ودان ءارى نىعايتۋعا، سونداي-اق وڭىرلىك جانە جاھاندىق قاۋىپسىزدىك ماسەلەلەرى بويىنشا ءوزارا ىقپالداستىقتى جانداندىرۋعا جول اشادى.