ەكى اپتا بۇرىن، ينديادا كۇن ەنەرگياسىنان ەلەكتر الاتىن الەم بويىنشا تەڭدەسسىز ستانسيا سالىنىپ جاتقانى تۋرالى حابارلانعان بولاتىن.  Pakistan Today تاراتقان اقپاراتقا ساي، پاكىستاندا ودان دا قۋاتتى كۇن ەلەكتر ستانسياسى بوي كوتەرەدى.  

جاڭا الپاۋىت كۇن ەنەرگيا ستانسياسى حوليستان (چوليستان، روحي) شولىندە بوي كوتەرەدى. بۇل اۋماق باحاۆالپۋردان 30 كم قاشىقتىقتا ورنالاسقان. ستانسيا 16 شارشى شاقىرىم اۋماقتى الاتىن بولادى. جوبا ۇلتتىق جاڭارتىلاتىن ەنەرگيا كوزدەرىن دامىتۋ باعدارلاماسى اياسىندا قولعا الىنعان.  

كليمات ىستەرى جونىندەگى مينيستر زاحيد ءحاميدىڭ ايتۋىنشا، پاكىستان پلانەتا اتموسفەراسىنا زارار كەلتىرمەيدى. الەمدەگى پارنيكتى گازدىڭ  1% ۇلەسىن عانا وسى ەل شىعارادى. سوعان قاراماستان پاكىستان كليماتتىڭ وزگەرۋىنە كەرى ىقپال ەتكەن ەلدەردىڭ ءبىرى بولىپ سانالادى. سوندىقتان دا ولار تەك پاكىستاننىڭ عانا ەمەس جالپى پلانەتانىڭ ەكولوگيالىق قاۋىپسىزدىگىن ويلاپ وتىر.

ايتا كەتسەك، پارنيكتى گاز ەففەكتىسى جەردىڭ ورتاشا تەمپەراتۋراسىنىڭ، تەڭىز دەڭگەيىنىڭ كوتەرىلۋى، مۇزدىقتاردىڭ ەرۋى، سۋ تاسقىنى، قۇرعاقشىلىق جانە باسقا دا تابيعي كاتاليزاتور كەسىرىنەن بولىپ وتىر.

ەسكە سالساق، ەلەكتر ەنەرگياسىن الۋدىڭ بىرنەشە جولى بار. ولار اتوم ەلەكتر ستانسياسى – ەڭ قۋاتتىسى ءھام ەڭ ءقاۋىپتىسى. سۋ ەلەكتر ستانسياسى، بۇل ءۇشىن ارقىراپ اعىپ جاتقان ارناسى مول وزەندەر كەرەك. ەكولوگيالىق رەسۋرستى قاجەت ەتەدى. كومىر نەمەسە گاز سياقتى وتىندى ەلەكتر ستانسياسى، ەكولوگياعا زاردابى مول. جەل مەن كۇننەن ەلەكتر الاتىن ستانسيالار ەڭ ءقاۋىپسىز ءارى شىعىنسىز بولىپ تابىلادى.