قازاقستاندىق كاسىپقوي بوكسشىلار باتىر جۇكەمبايەۆ پەن ابىلايxان قۇسايىنوۆ ەل تاۋەلسىزدىگىنىڭ 25 جىلدىعىنا ارناپ وتكىزگەن جەكپە-جەكتەرىندە كەزەكتى جەڭىستەرىنە قول جەتكىزدى.

بوكس كەشى 17 جەلتوقسان كۇنى كانادانىڭ كۆەبەك قالاسىندا ءوتتى. جۇكەمبايەۆ ءوزىنىڭ جەتىنشى كەزدەسۋىندە مەكسيكالىق بوكسشى مانۋەل مارەزبەن جۇدىرىقتاسىپ، ۇپاي سانىمەن جەڭىسكە جەتسە، قۇسايىنوۆ ءوزىنىڭ ءتورتىنشى كەزدەسۋىن مەكسيكالىق حەسۋس پەرەسكە قارسى وتكىزىپ، تورەشىلەردىڭ شەشىمى بويىنشا قارسىلاسىنان باسىم ءتۇستى. 

«اللاعا شۇكىر، قازاق ەلى ءۇشىن وسىنداي ماڭىزدى كۇن جەكپە-جەك وتكىزىپ، جەڭىسكە جەتكەنىمە. بۇگىنگى جەكپە-جەگىم ءوز دارەجەسىنەن جوعارى دەڭگەيدە ءوتتى. ارينە، كەزدەسۋ ويڭا بولدى دەپ ايتا المايمىن. وعان جەكپە-جەك ناتيجەسى مەن راۋند سانى دالەل. قارسىلاسىم دا تاجىريبەلى بوكسشى. ءبىراق بۇل كەزدەسۋدە مەن جەڭىسكە جەتتىم، اللاعا شۇكىر. جەڭىسىمدى ق ر تاۋەلسىزدىگىنىڭ 25 جىلدىعىنا ارنايمىن. جەڭىس قۇتتى بولسىن، قازاق ەلى»،-دەيدى ا.قۇسايىنوۆ.

ەكى بوكسشى دا وسىعان دەيىن سوڭعى جەكپە-جەگىن 23 قازان كۇنى لەمە-ريوس شوۋىندا وتكىزىپ، قارسىلاستارىن تەxنيكالىق نوكاۋتپەن ۇتقان ەدى. وندا جۇكەمبايەۆ مەكسيكالىق يۆان پەرەيرانى 5 راۋندتا، قۇسايىنوۆ قارسىلاسىن 2 راۋندتا تەxنيكالىق نوكاۋتقا تۇسىرگەن بولاتىن.