قازاق رەپاترياسياسى نەگىزىنەن وزبەكستاننان (61%) كەلىپ جاتىر، قالعانى - رەسەي، مونعوليا جانە قىتايدان كەلەدى. ەگەردە قازاقستان كەلگەندەردى قابىلداپ السا جاقسى. قازاقستان قۇرىمايدى، ازىرشە قازاقتىڭ تابيعي ءوسىمى مەن يمميگراسيالىق ءوسىمى جاقسى. ايتالىق، 1999-2009 جىلدارى قازاقتىڭ قازاقستانداعى ءوسىمى 26،3% بولعان. ال ورىس، ۋكراين، بەلورۋس، نەمىس جانە تاتار سانى ازايىپ كەلەدى. بۇل ەكى جولمەن: تابيعي ءوسىم تىم از، ال تابيعي ءولىم تۋعاندار سانىنان اسىپ تۇر. ورىستەكتىلەر، نەمىس، تاتار اتا-مەكەندەرىنە - رەسەي مەن گەرمانياعا كوشىپ جاتىر. ال، جۇڭگو قازاقتارى كەلگىسى كەلمەسە بالالارىن وقىتا بەرسىن. وقىعان قازاقتار كەيىن كەلەر، جۇڭگو فيرمالارىنا كىرىپ ولاردىڭ مەنەدجمەنتى، تەحنولوگيالاردى يگەرە بەرسىن، ولاردىڭ بىلىگى مەن ءبىلىمى كوشىپ كەلسە كادەلى قىزمەتكە جاراپ قالار.
بۇگىن جۇڭگو دا، رەسەي دە قازاققا جاۋ ەمەس. ءبىز ەگەمەن مەملەكەتپىز.ەندى قازاققا تەڭ دارەجەلى اراقاتىناس قانا كەرەك. 21عاسىردىڭ باسىندا كۇشتى مەملەكەتتەر وسال مەملەكەتتەردىڭ جەرىنە جارماسا المايدى.اسكەري جولمەن جەر جاۋلاۋ مۇمكىن بولماي قالادى. رەسەي ۋكراينا جەرىن تارتىپ الىپ ەدى، ەندى جاۋلاعان جەردىڭ داۋى پايداسىنان ۇتىلىسى كوبىرەك بولىپ شىقتى.ءبىراق «جۇمساق كۇش»، دەموگرافيانىڭ پەن «ەكونوميكالىق قۋاتتىڭ» ماڭىزى وسەدى.جۇمساق كۇش دەگەنىمىز ءتىل، قۇندىلىقتار ماڭىزى(باسقاشا ايتساق - ۇلتتىق سانا، ءتىل، ءدىن ، يدەولوگيالىق قۇندىلىقتار دەلىك، يدەولوگيا). سوندىقتان قازاقستانداعى 12ملن قازاققا قازاق ءتىلى كەرەك. قازاقستاننىڭ قازاقتارىنىڭ تورتتەن ءبىرى نەگىزىنەن ورىس ءتىلدى، ولار ورىستىڭ «جۇمساق كۇشى»، ساندا بار ساناتتا قازاق ەمەس. بۇگىنگى كۇنى ءبىز رەسەي ءباسپاسوزىن، تەاترىن، كينوماتوگرافياسىن ، تەلەديدارىن، سولاردىڭ جارنامالارى ارقىلى رەسەي توۆار وندىرۋشىلەرىن قارجىلاندىرىپ كەلەمىز. قازاق نەعۇرلىم كوپ بولسا، ولار قازاق ءتىلدى بولسا، ءبىزدىڭ ينفراقۇرىلىم قازاق ءتىلدى بولسا ۇلت جاسايدى، باسقا جاعدايدا ءبىز باسەكەدە ۇتىلامىز. سوندىقتان ءبىز تىلدىك ديۆەرسيفيكاسياعا بارۋىمىز كەرەك. ورىس ءتىلىنىڭ ورنىنا اعىلشىن ءتىلىن ەكىنشى ءتىل رەتىندە ورنىقتىرۋ كەرەك. جۇڭگو ورالماندارىنىڭ جۇڭگو ءتىلىن قازاقستاندا كوبىرەك پايدالانۋ كەرەك. سوندىقتان بىزگە «ءۇشتۇعىرلى» ەمەس، ەكى تۇعىرلى – قازاق ءتىلى - باس ءتىل، ەكىنشى ءتىل - اعىلشىن ءتىلى بولعانى ءجون.
