استانادا ەلىمىزدەگى باس شىرشانىڭ شىراعىن جاعۋ ءراسىمى ءوتتى، - دەپ حابارلايدى Tengrinews.kz
مەرەكەلىك شىرشا "حان-شاتىر" ويىن-ساۋىق ورتالىعىنداعى مۇز قالاشىعىندا ورناتىلدى.
جاڭاجىلدىق شىرشانى استانا قالاسىنىڭ اكىمى اسەت يسەكەشيەۆ جاقتى.
وسىلايشا ەلىمىزدەگى باس شىرشانى جاعۋعا ارنالعان مەرەكەلىك باعدارلامادا قالا قوناقتارى بەزەندىرىلگەن شىرشانى تاماشالاي الدى.
سونداي-اق، بۇگىن ەلىمىزدەگى ەڭ ۇلكەن مۇز قالاشىعىنىڭ اشىلۋ ءراسىمى ءوتتى.
قالا باسشىسى اسەت يسەكەشيەۆ بۇل ءىس-شارانىڭ ءداستۇرلى تۇردە جىل سايىن وتكىزىلىپ تۇراتىنىن ايتا وتىرىپ، Facebook جەلىسىندەگى پاراقشاسى ارقىلى قالا قوناقتارى مەن تۇرعىندارىن باس شىرشانىڭ شىراعىن جاعۋ راسىمىنە شاقىردى.
ايتا كەتەر بولساق، تاۋەلسىزدىكتىڭ 25 جىلدىعىنا وراي ەلوردادا ەكسپو كورمەسىنىڭ اۋماعىندا بوي كوتەرگەن جاڭا مونۋمەنتتىڭ اشىلۋ سالتاناتىندا نۇرسۇلتان نازاربايەۆ استانا قالاسىنىڭ اكىمى اسەت يسەكەشيەۆتىڭ قازاقشاسىنا تۇسىنە الماي، اكىمگە قۇتتىقتاۋدى رەسمي تىلدە جالعاستىر دەگەن ەدى.
