اقش جەندەتتەرىنىڭ قولىنان قازا تاپقان يراكتىڭ بۇرىنعى پرەزيدەنتى ساددام حۇسەينگە تاققان ايىپتارىنىڭ شىندىققا ساي كەلمەيتىنى، ياعني، ساياسي ماقساتتار ءۇشىن ويدان شىعارىلعانى اشكەرە بولدى دەپ حابارلايدى islam.kz
بۇل جايىندا ورتالىق بارلاۋ باسقارماسىنىڭ بۇرىنعى تەرگەۋشىسى نيكسون، ياعني، كەزىندە ساددام حۇسەيندى تەرگەگەن تەرگەۋشى جۋىردا جارىق كورگەن ءوز كىتابىندا جاريا ەتتى. ونىڭ جازۋىنا قاراعاندا، يراك اقش-قا جانە وزىنە كورشى مەملەكەتتەرگە قارسى قانداي دا ءبىر اسكەري ءىس-قيمىلداردى جوسپارلاماعان. ول ول ما، يراك لاڭكەستەرمەن دە ەش بايلانىسى بولماعان جانە جاپپاي قىرىپ-جوياتىن قارۋعا يە بولماعان. سونداي-اق، اۆتوردىڭ كەلتىرگەن دايەگى مەن دەرەگى بويىنشا ساددام حۇسەين مەملەكەتتى باسقارۋ ىسىنەن قول ءۇزىپ، يراكتا بيلىكتى توىكەرىپ تاستاۋدىڭ ارتى نەگە اپارىپ سوعاتىنىن ەسكەرتكەن ەكەن. تەرگەۋ كەزىندە ساددام امەريكالىقتاردىڭ الەمدەگى وزگە حالىقتاردىڭ مەنتاليتەتىمەن، ادەت-عۇرپىمەن، ءتىپتى، كليماتىمەن دە ساناسپايتىن كەۋدەمسوقتىعىن اشىنا مالىمدەگەنىن دە كەلتىرە كەتكەن. «تاريح ونىڭ ءسوزىنىڭ دۇرىس ەكەندىگىن دالەلدەپ بەردى»،- دەدى وبب-نىڭ بۇرىنعى قىزمەتكەرى.
