رەسەيلىك ساياساتكەر دميتريي ورەشكين: «كەزىندە اۋعانستان كسرو-نىڭ كوزىن جويعانداي، سيرياداعى سوعىس رەسەيدى تۇبەگەيلى قۇرتادى».

رەسەي پرەزيدەنتى ۆلاديمير پۋتين سيرياداعى سوعىسقا قاتتى تىرەلىپ قالۋىمەن ۇلكەن قاتەلىك جاسادى. وسىلاي ول اۋعانستانداعى سوعىستىڭ بىلىعىنا باتىپ، شىعا الماي قالعان كسرو ءبىرىنشى حاتشىسى لەونيد برەجنيەۆتىڭ  قاتەلىگىن قايتالاپ وتىر.

بۇل جايىندا dialog.ua پورتالى حابارلايدى، مالىمەتتىڭ قازاقشا نۇسقاسىن قامشى پورتالى وقىرمان نازارىنا ۇسىنادى.

دميتريي ورەشكيننىڭ ايتۋىنشا، سيرياعا قاتىستى ءپۋتيننىڭ ەشقانداي دا ناقتى ساياسي ماقساتى جوق. كرەمل باستاماسىندا: «بۇكىل الەم ءپۋتيندى قولداپ، ونىڭ كۇشىن كورسەتۋ كەرەك» دەگەن سياقتى وتىرىك جەڭىستىڭ بوياماسى بار. سول سەبەپتى دە، كرەمل شىندىققا جاناسپايتىن ماقساتتار ويلاپ تاۋىپ جاتىر، مىسالى باشار اسادتىڭ رەجيمىن قولداۋ سەكىلدى. رەسەي اسكەرىنىڭ كومەگىنسىز جاۋلاپ العان جەرلەرىن باقىلاي المايتىن سيريالىق ديكتاتوردىڭ ارەكەتىن قولدايمىن دەپ رەسەي ۇلكەن اقىماقتىق جاسادى.

مۇنداي ۇلكەن ماقساتتى ورىنداۋىعا ونىڭ رەسۋرستارى دا، اسكەري دە كۇشى جەتكىلىكسىز.

پۋتين سيرياداعى سوعىسقا باسىمەن كىرىپ كەتتى، كرەمل برەجنيەۆ اۋعانستانداعى سوعىسقا كىرىپ كەتكەنى سەكىلدى بۇل تەكەتىرەسكە كەلىپ تىرەلىپ قالعانىن بايقاۋعا بولادى..

پۋتين ءقازىر الەپپونى ءوز قاراماعىنا الدى، الايدا كەزىندە كسرو دا اۋعانستان استاناسىن ءوز قولدارىنا الىپ، ول جەردە ءتىپتى ينفراقۇرىلىم جۇيەسىن ورناتقان ەدى. الايدا، كسرو-نىڭ رەسۋرستارى مەن قاراجاتى تاۋسىلعان سوڭ اسكەرلەرى ول جەردەن ماسقارا بولىپ قاشۋلارىنا تۋرا كەلدى. ءدال وسىنداي جاعداي ءپۋتيندى دە سيريادا كۇتىپ تۇر.

اۋدارعان: نازەركە لابيحان