«قامشى» پورتالى وقىرماندارىن رەسەيدىڭ تۇركياداعى وكىلەتتى ەلشىسىنىڭ انكارادا قاستاندىقپەن ولتىرىلگەندىگى تۋرالى اقپاراتتاندىرعان بولاتىن.
ونى اتىپ كەتكەن جەندەت ارناۋلى جاساقپەن 15 مينۋتتاي ۋاقىت اتىسىپ بارىپ، ارناۋلى جاساق قولىنان قازا تاپقان.
رەسەي ەلشىسىمەن قوسا 3 كىسى جارالانعان.
شابۋىلداۋشى وق اتپاستان بۇرىن «يا اللا، ءبىسمىللا، سيريالىق بەيبىت تۇرعىندارعا بومبا جاۋدىردىڭىز، سيريانىڭ كەگى الىنادى» دەپ ايقايلاعان. ول جالپى سانى سەگىز رەت وق اتقان.
وقيعانىڭ سوڭىنان، موسكۆادا وتۋگە ءتيىستى رەسەي، تۇركيا، يران اراسىنداعى سيريا ماسەلەسىنە بايلانىستى جيىن كەيىنگە قالدىرىلمايدى دەپ مالىمدەدى رەسەي مەملەكەتتىك دۋماسى.
ال، تۇركيانىڭ سىرتقى ىستەر ءمينيسترى ءماۋلىت شاۋىشوعلو بولسا سول ۋاقىتتا رەسەيگە جول ءجۇرىپ بارا جاتقان.
