بۇۇ باس حاتشىسى باسپا ءسوز وكىلى ستەپان دۋجارريك رەسەيدىڭ انكاراداعى وكىلەتتى ەلشىسى اندرەي كارلوۆقا جاسالعان قاستاندىقتى ايىپتادى.

دۋجارريك جاساعان باسپا ءسوز مالىمدەمەدە بۇل شابۋىلدىڭ ەشقانداي دا زاڭدى نەگىزى جوق ەكەنىن اتاپ ءوتتى. قاستاندىق جاساۋشىلاردىڭ زاڭ الدىندا جاۋاپ بەرۋى ءتيىس ەكەنىن ايتتى ول ءسوز سوزىندە.

اقش-تىڭ بۇۇ وكىلى سامانتا پاۋەر دە الەۋمەتتىك جەلىدەگى ەسەبىنەن جاساعان مالىمدەمەسىندە شابۋىلدى ايىپتاپ، كارلوۆتىڭ وتباسىنا كوڭىل ايتتى.

ۇلى بريتانيانىڭ سىرتقى ىستەر ءمينيسترى بوريس دجونسون تە ايىپتاۋ مالىمدەمەسىن جاريالادى. ول ءوز مالىمدەمەسىندە «ەلشىنىڭ وتباسىمەن بىرلىكتە» ەكەنىن ايتتى.

سونداي-اق، قازاقستان سەناتى ءتوراعاسى قاسىم-جومارت توقايەۆ تا رەسەيگە كوڭىل ايتتى.

Reuters حابارلاعانداي، قاستاندىق ارەكەتىنەن كەيىن ەردوعان پۋتينگە قوڭىراۋ شالىپ، وقيعا تۋرالى مالىمەتتەرمەن بولىسكەن.