فەتحۋللاھ گۇلەن باسپا ءسوز ءماسليحاتىن وتكىزىپ، تەررور شابۋىلدارىنان كەيىن ورىن العان ارانداتۋ ارەكەتتەرىنە بايلانىستى ماڭىزدى ەسكەرتۋ جاسادى، - دەپ حابارلايدى Qamshy.kz.

ول 1960 جىلدىڭ 27 مامىرىنداعى، 1980 جىلدىڭ 12 قىركۇيەگىندەگى توڭكەرىستەرگە دەيىن جۇرتتى «وڭشىل-سولشىل» دەپ ءبولىپ، بىر-بىرىنە قارسى ايداپ سالعان ارەكەتتەردى بۇگىن دە قايتالاعىسى كەلەتىندەردىڭ بار ەكەنىنە باسا نازار اۋدارتتى.

شەيىتتەرگە راقىم جانە ماڭگىلىك باقىت تىلەگەن گۇلەن تۇرىك ۇلتىنا جانە ۇلدارى شەيىت بولعان وتباسىلارعاجانە ولاردىڭ جاقىندارىنا كوڭىل ايتتى.

وتكەن اپتا ستامبۋلداعى بەشيكتاش اۋدانىندا 44ساربازدىڭ، كەشە كايسەري قالاسىندا14 ساربازدىڭ شەيىت بولۋى، 55 كىسىنىڭ جارالانۋىنان كەيىن كۇنى بويى كايسەري، ستامبۋل، Aنكارا، بۋرسا، كوجاەليدەن باستاپ، تۇركيانىڭ كوپتەگەن وبلىسىندا تەكەتىرەستەر ورىن الدى. كوبىنە حدپ (حالىقتىق-دەموكراتيالىق پارتيا)، كەي جەرلەردە رحپ (رەسپۋبليكالىق حالىق پارتياسى)، EMEپسەكىلدى ساياسي پارتيا عيماراتى مەن باسشىلارىنا باعىتتالعان قىسىم، ورتەۋ ارەكەتتەرى بولدى. حالىقتىڭ بۇل قارسىلىعى الدەكىمدەردىڭ باعىتتاۋىمەن ارانداتۋ ارەكەتتەرىنە ۇلاستى.

فەتحۋللاھ گۇلەننىڭ www.herkul.org اتتى ينتەرنەت سايتىندا جاريالاعان مالىمدەمەسىندە ەلدە ازاماتتىق سوعىس وتىن تۇتاتۋ ءۇشىن ارانداتۋ ارەكەتتەرى ورىن الىپ جاتقانىنا نازار اۋدارتىپ بىلاي دەدى:

وتكەن كۇندەردەن بۇگىنگە دەيىن ءبىرقاتار جات پيعىلدى كۇشتەر ءبىر جاعىنان كەيبىر توپتاردى ارانداتۋشىلىق پەن كوشەگە شىعارسا، ەندى ءبىر جاعىنان ولارعا قارسى توپتاردى ولارعا ايداپ سالىپ، جۇرتتى بىر-بىرىمەن قىرىلىستىرىپ، ءسويتىپ ءوز مۇددەلەرىنە قول جەتكىزۋگە تىرىسۋدا.

«وڭ-سول» دەپ ءبىر ەلدىڭ ازاماتتارىن بىر-بىرىنە ايداپ سالۋدا، ەندى ازماتتىق سوعىس تۇتاتقىلارى كەلۋدە.
ايتقانداي، 27 مaمىرعا دەيىن باستالىپ، 80 جىلعى توڭكەرىسكە دەيىن، ءتىپتى ونىڭ سوڭىنا دەيىن جالعاسقان كەيبىر ارانداتۋلاردا سوعان ۇقساس ادامدار حالىقتى «وڭ-سول» دەپ سىنىپتارعا ءبولىپ، ولاردى وسال جەرىنەن تۇرتكىلەپ، ءبىر ەلدىڭ ازاماتتارىن بىر-بىرىمەن جاۋلاستىردى، ءسويتىپ اققان قاننىڭ ۇستىنە وزدەرىنىڭ بيلىگىن ورناتۋدى كوزدەدى.

قازىرگى ۋاقىتتا دا سونداي سەناريي ۇيىمداستىرىلۋدا، ۇلتارالىق ءارى ءمازھابارالىق قاقتىعىستارعا ورتا دايىنداپ، ءتىپتى اللا ساقتاسىن، ەل ىشىندە ازاماتتىق سوعىس تۇتاتقىلارى كەلەتىنى بايقالادى.

ەلىمىزدى ءارى ادامزاتتى  جاقسى كورەتىن بارشا ازامات وتە مۇقيات ءارى ساق بولۋى ءتيىس
ەلىمىز بەن وتانداستارىمىزدى جاقسى كورەتىن بارشا جان وتە مۇقيات ءارى ساق بولىپ، ارانداتۋلارعا ۇرىنباسىن، اسىرەسە «باسقالارعا ءدال سولاي ەسە قايتارام» دەگەن قاتىگەز قاعيداعا بارماعانى دۇرىس.

الايدا، وكىنىشكە قاراي، مەملەكەت باسقارىپ وتىرعانداردىڭ كەيبىرىنىڭ، ءبىرقاتار ب ا ق وكىلدەرىنىڭ جانە الەۋمەتتىك جەلى يەلەرىنىڭ ارانداتۋشىلىق سوزدەرى تەكەتىرەستى قوزدىرىپ، قوعامدىق ءدۇردارازدىقتى ودان ءارى ۋشىقتىرا تۇسۋدە. 

ماسەلەلەردى اقىلمەن، بايىپتىلىقپەن شەشۋ كەرەك
ورىن العان كەلەڭسىزدىكتەردى ايعاي-شۋمەن، ورتەپ، قيراتۋمەن، كىسى ولتىرۋمەن ەمەس، اقىلمەن، پاراسات-پايىممەن جانە بايىپتىلىقپەن شەشۋ كەرەك.

بۇدان بولەك، قىزمەت قوزعالىسى ەرىكتىلەرىنىڭ ىسىندە كوشەگە شىعىپ، شۋ شىعارۋ، بىرەۋلەردىڭ ارانداتۋىنا الدانۋ، اسىرەسە كۇش قولدانۋ دەگەن ۇعىمداردىڭ جوقتىعىن تاعى ءبىر رەت ەسكەرتە كەتكەندى ورىندى دەپ ويلايمىن.

قىزمەت قوعامى كونسترۋكتيۆتى ديالوگتى نەگىزگە الادى
قوزعالىس ەرىكتىلەرى قارسىلاستارى وزدەرىنە قانداي اۋىر ادىس-تاسىلدەرمەن قارسى كەلسە دە، كونستيتۋسيا شەڭبەرىنەن جانە دەموكراتيالىق قۇقىقتىق مەملەكەت شەگىنەن ەش شىقپايدى. ەشقاشان زاڭسىز ارەكەتتەرگە بارمايدى.

كونسترۋكتيۆتى ديالوگتى نەگىز ەتەتىن قىزمەت قوعامداستىعى مەملەكەتىن سۇيەتىن، بايىپتى، بايسالدى، ءار ازاماتتىڭ ءوز قۇقىعىن ءقورعاعانىندايوز قۇقىعىن مىندەتتى تۇردە تەك زاڭدى ايادا قورعاۋعا تىرىساتىن بولادى. ەشقاشان پيعىلى جات الدەكىمدەردىڭ ايلاسى مەن ارانداتۋىنا اللانىڭ قالاۋىمەن ەرمەيدى.

شەيىتتەرىمىزگە ماڭگىلىك باقىت، ۇلتىمىزعا ءارى جاقىندارىنا سابىر تىلەيمىن

وسى ءبىر مۇمكىندىكتى پايدالانا وتىرىپ، شەيىتتەرىمىزگە تاعى ءبىر رەت ماڭگىلىك باقىت، ۇلتىمىزعا سابىر، باسشىلارعا پاراسات تىلەيمىن. قان بوكتىرگەندەر وزدەرى قازعان ورعا وزدەرى ءتۇسسىن!

ءتۇيىن ءسوز رەتىندە بارشانى دۇعانىڭ كۇشىنە سۇيەنۋگە شاقىرامىن:

«ءيا، اللام، بىرلىگىمىزدى كۇشەيت، ىنتىماعىمىزدى جاراستىر، تاتۋلىعىمىزدى بەكەمدەي كور! ءوزىڭ تۋرا جولعا ءتۇسۋىن قالاعان پەندەلەرىڭدى تۋرا جولعا سال، جۇرەگى مەن وي-ساناسىن وڭعار. ەگەر دۇشپاندىق جاساعاندار اراسىندا ءوزىڭ تۋرا جولعا سالۋدى قالاماعان ءارى وزدەرى دە تۇزەلگىسى كەلمەيتىندەر بولسا، ولاردىڭ ايلا-امالدارىن ىسكە اسىرما، ولاردى تۇپ-تامىرىمەن جوي».

M. فەتحۋللاھ گۇلەن

ءتارجىمالاعان – تالعات مىرزاحمەت ۇلى