ق ر اقپارات جانە كوممۋنيكاسيا ءمينيسترى داۋرەن ابايەۆ 16 جەلتوقساندا الەۋمەتتىك جەلىلەردىڭ اشىلماي قالعانىنا قاتىستى پىكىر ءبىلدىردى. - دەپ حابارلايدى Tengrinews.kz

«جوق، بۇل ءابليازوۆتىڭ سۇحباتىمەن بايلانىستى ەمەس. بۇل تەلەكوممۋنيكاسيا جەلىلەرىندەگى تەحنيكالىق اقاۋ. مۇنداي دۇنيەلەر بولىپ تۇرادى. مەنىڭ ءتۇسىنۋىم بويىنشا، بۇل 16 جەلتوقساندا بولعاندىقتان، بەلگىلى ءبىر دۇرلىگۋ تۋعىزدى»، - دەدى ابايەۆ.

ايتا كەتەيىك، 16 جەلتوقساندا كەشكى ۋاقىتتان باستاپ قازاقستاندىقتار جەلىلەرگە قوسىلا المادى. كوپتەگەن قولدانۋشى الەۋمەتتىك جەلىرگە، ناقتىراق ايتساق، Facebook، Vk.com، Telegram، You Tube، Twitter، Instagram، Google جەلىلەرىنە كىرە الماي وتىرعانىن ايتىپ، شاعىمدانعان ەدى.

ال كەيىن ق ر اقپارات جانە كوممۋنيكاسيا مينيسترلىگىنىڭ وكىلدەرى الەۋمەتتىك جەلىلەردىڭ اشىلماي تۇرعانىنا قاتىستى پىكىر بىلدىرگەن بولاتىن. ۆەدومستۆونىڭ رەسمي وكىلى ارسەن بەكتاسوۆتىڭ ايتۋىنشا، تاياۋ ۋاقىتتا بارلىق اقاۋ جوندەلىپ، جۇمىس قايتا جاندانادى. "كەيبىرەۋ جەلىلەرگە كىرە الادى، ال بىرەۋلەرى كىرە الماي وتىر. بۇل تەحنيكالىق اقاۋ"، - دەگەن ەدى ول.

ال تۇندە الەۋمەتتىك جەلىلەر ءىشىنارا اشىلا باستادى. قازاقستاندىقتار Instagram، Facebook جەلىلەرىنە كىرە الدى. الايدا تىكەلەي ينتەرنەت جەلىسى ارقىلى قوسىلۋدا كەدەرگىلەر بولدى. ۇيالى ينتەرنەتتەن اتالعان سايتتارعا كىرۋگە مۇمكىندىك بولدى. ايتا كەتەيىك، قازاستاندا Egov.kz ەلەكتروندى ۇكىمەت جانە "قازاقتەلەكوم" اق سايتتارىنا كىرۋ مۇمكىن بولماعان.