تانىمال زاڭگەر ابزال قۇسپان پرەزيدەنت باستاماسىمەن قابىلدانعان راقىمشىلىق تۋرالى زاڭ اياسىندا كىمدەردىڭ قىلمىستىق جاۋاپكەرشىلىكتەن بوساپ شىعاتىنىنا قاتىستى پىكىر ءبىلدىردى، - دەپ حابارلايدى Qamshy.kz.

«سونىمەن امنيستيا (راقىمشىلىق زاڭى) كۇشىنە ەندى. بۇل ماسەلە تۋراسىندا جەكەمە وتە كوپ سۇراقتار كەلىپ تۇسۋىنە بايلانىستى قىسقاشا تۇردە زاڭنىڭ نەگىزگى جەرلەرىنە توقتالا كەتەيىن؛ بۇل زاڭ جەكە تۇلعاعا قارسى زورلىق-زومبىلىق (ادام ءولتىرۋ، اۋىر دەنە جاراقاتىن كەلتىرۋ، زورلاۋ)، ەكسترەميستىك جانە ۇيىمداسقان قىلمىستىق توپ قۇرامىندا جاسالعان قىلمىستارعا قاتىستى مۇلدەم قولدانىلمايدى. ال، اۋىر جانە اسا اۋىر قىلمىستار بويىنشا جازا مەرزىمىن قىسقارتۋعا بولادى. كەلىپ تۇسكەن سۇراقتار ەلىمىزدەگى سوڭعى كەزدە ورىن العان قوعامدىق رەزونانس تۋدىرعان ىستەرگە بايلانىستى بولعاندىقتان، ولارعا قاتىستى دا ءوز ويىمدى بىلدىرسەم، جەر ءۇشىن سوتتالعان ماكس پەن تالعاتتىڭ ءىسى وكىنىشكە وراي امنيستياعا ىلىكپەيدى. سونىمەن قاتار، پروفەسسور سايات يبرايەۆ، اقىن ارون اتابەك، مۇحتار جاكىشوۆتە امنيستياعا ىلىگە المايدى. ال، بيۋدجەت قاراجاتىن اسا ءىرى كولەمدە ۇرلادى، زاڭدى كاسىپكەرلىككە كەدەرگى كەلتىردى، الاياقتىق جاسادى دەگەن ايىپتاۋلارمەن سوتتالعان جانە كەلتىرىلگەن شىعىندى تولىق وتەپ تاستاعان سەرىك احمەتوۆكە جاقىن ارادا بوساپ شىعۋعا وتە جاقسى مۇمكىندىكتەر بار. ءقازاقتىلدى ورتادا كوپ پىكىرتالاس تۋدىرماسا دا، سوڭعى اتىشۋلى ىستەردىڭ ءبىرى ليليا راحقا قاتىستى سوت ۇكىمى. ەگەر اتالعان ۇكىم اپەللياسيالىق القادا وزگەرىسسىز قالدىرىلسا، وندا ليليا راحتا امنيستياعا ىلىگە المايدى. وسىعان قاراپ، امنيستيا نەگىزىنەن ەكونوميكالىق، سىبايلاس جەمقورلىق سيپاتىنداعى قىلمىستار ساناتىنا، «اق جەيدەلىلەرگە» قولدانىلاتىن زاڭ دەگەن قورىتىندى جاساۋعا تولىق نەگىز بار. ال، «ساياسيلانعان» ىستەر وكىنىشكە وراي امنيستياعا جاتپايدى»، - دەپ جازادى زاڭگەر الەۋمەتتىك جەلىدەگى پاراقشاسىندا.