بۇگىن استانا قالاسىندا يزرايل پرەمەر-مينيسترى بينيامينا نەتانياحۋ مىرزانىڭ قازاقستانعا رەسمي ساپارى شەڭبەرىندە قوس ەلدىڭ رەسمي تۇلعالارى جانە ىسكەر توپتارىنىڭ قاتىسۋىمەن قازاقستان-يزرايل بيزنەس-فورۋمى ءوتتى. بيزنەس-فورۋمدى قازاقستان رەسپۋبليكاسىنداعى يزرايل ەلشىلىگىنىڭ قولداۋىمەن قازاقستان رەسپۋبليكاسىنىڭ ينۆەستيسيالار جانە دامۋ مينيسترلىگى، «KAZNEX INVEST» ەكسپورت جانە ينۆەستيسيالار جونىندەگى ۇلتتىق اگەنتتىگى» اق ۇيىمداستىردى.
بيزنەس-فورۋمنىڭ جۇمىسىنا قازاقستان رەسپۋبليكاسىنىڭ پرەمەر-مينيسترى باقىتجان ساعىنتايەۆ، يزرايل پرەمەر-مينيسترى بينيامين نەتانياحۋ، قازاقستان رەسپۋبليكاسىنىڭ ينۆەستيسيالار جانە دامۋ ءمينيسترى جەڭىس قاسىمبەك، يزرايل-قازاقستان بيلاتەرالدى ساۋدا-ونەركاسىپ پالاتاسىنىڭ ءتوراعاسى ميحاەل روەە جانە يزرايل مەملەكەتىنىڭ ەكونوميكا جانە ونەركاسىپ مينيسترلىگىنىڭ ەكونوميكالىق اتتاشەسى ەليزابەت سولوۆيەۆا قاتىستى.
قازاقستاندا 2016 جىلدىڭ 1 قاراشاسىندا يزرايلدىك كاپيتالدىڭ قاتىسۋىمەن 254 كاسىپورىن تىركەلگەن، ولاردىڭ ىشىندە 112 كاسىپورىن جۇمىس ىستەۋدە. يزرايلدەن قازاقستان رەسپۋبليكاسىنا 2005 جىلدان 2016 جىلدىڭ ءبىرىنشى جارتىجىلدىعىنا دەيىن تىكەلەي شەتەلدىك ينۆەستيسيالار 214 ملن. اقش دوللارىن قۇرادى.
قازاقستاندىق جانە يزرايلدىك كاسىپكەلەر يننوۆاسيالار جانە اگروونەركاسىپتىك كەشەن سياقتى ەكونوميكالىق سەكتورلاردا تابىستى ىنتىماقتاسۋدا. كەيىنگى ۋاقىتتا قازاقستاندا يزرايلدىك سەرىكتەستەرمەن بىرلەسىپ اقپاراتتىق-كوممۋنيكاسيالىق تەحنولوگيالار سالاسىندا جالپى سوماسى 86،5 ملن. اقش دوللارى بولاتىن 7 جاڭا جوبا ىسكە اسىرىلعان. ولار – ەلەكتروندىق قۇرىلعىلارعا ارنالعان باسپا پلاتالارىن ءوندىرۋ؛ قارجى جانە ساقتاندىرۋدا – بىرلەسكەن Bank Hapoalim كوممەرسيالىق بانكىن قۇرۋ؛ اگروونەركاسىپتىك كەشەنى بويىنشا – الماتى وبلىسىندا جانە استانا قالاسىندا جىلىجاي كەشەنىنىڭ قۇرىلىسى، تامشىلاتىپ سۋارۋدىڭ جاڭا جۇيەلەرىن ەنگىزۋ، سولتۇستىك-قازاقستان وبلىسىندا برويلەر قۇس فابريكاسىنىڭ قۇرىلىسى سياقتى جوبالار بار؛ ينفراقۇرىلىم بويىنشا – ماڭعىستاۋ وبلىسىنىڭ اۋماعىندا تەڭىز سۋىن تۇششىتۋ قوندىرعىسىنىڭ قۇرىلىسى بار. قازىرگى ۋاقىتتا مەديسينالىق ساقتاندىرۋ جەلىسىن جانە «ارحيمەدەس قازاقستان» مەديسينالىق ورتالىقتار جەلىلەرىن قۇرۋ بويىنشا جوبا ىسكە اسىرىلۋدا.
بيزنەس-فورۋم كەزىندە ونىڭ قاتىسۋشىلارى ءيزرايلدىڭ يننوۆاسيالار مەن جوعارى تەحنولوگيالار سالاسىنداعى تاجىريبەسىن، سونداي-اق ينفراقۇرىلىم، جاڭا تەحنولوگيالار، حيميا جانە اگروونەركاسىپتىك كەشەن سالالارىنداعى كەلەسى جوبالاردىڭ كەلەشەگىن تالقىلادى. ولاردىڭ قاتارىندا مودۋلدىق قۇرىلعىلاردىڭ ءوندىرىسى، زD – پرينتەرلەرگە جانە ءادديتيۆتى ماشينالارعا ارنالعان مامانداندىرىلعان ۇنتاقتاردىڭ ءوندىرىسى، لاك-بوياۋ بۇيىمدارىنىڭ ءوندىرىسى، اۋىل شارۋاشىلىعى ۋچاسكەلەرىن قۇرۋ جوبالارى بار.
بيزنەس-فورۋمدا قازاقستاندىق جانە يزرايلدىك تاراپتاردىڭ اراسىندا ءبىرقاتار قۇجاتتارعا قول قويىلدى: ق ر ءبىلىم مينيسترلىگى مەن Mitrelli يزرايلدىك كومپانياسىنىڭ اراسىندا ىنتىماقتاستىق تۋرالى مەموراندۋمعا، «كورپوراسيا بازيس-ا» ج ش س مەن BAL International LTD اراسىنداعى ءوزارا تۇسىنىستىك پەن ىنتىماقتاستىق تۋرالى مەموراندۋمعا، «Damar» ج ش س مەن EGRZ FOOD LTD اراسىنداعى كەلىسىمگە جانە تاعى دا باسقا كەلىسىمدەرگە قول قويىلدى.
بيزنەس-فورۋم جۇمىسىنا قوس ەلدىڭ بيزنەس جانە ۇكىمەتتىك ەمەس ۇيىمدارىنىڭ 400-دەن استام وكىلى قاتىستى. يزرايل تاراپىنا قازاقستان رەسپۋبليكاسىن يندۋستريالىق-يننوۆاسيالىق دامىتۋدىڭ 2015-2019 جىلدارعا ارنالعان مەملەكەتتىك باعدارلاماسى، ينۆەستورلارعا ارنالعان، ونىڭ ىشىندە شاعىن جانە ەكونوميكانىڭ باسىم سالاسىنداعى ورتا بيزنەستى ىنتالداندىرۋ توپتاماسىنىڭ تۇساۋكەسەرىن، جانە ارنايى ەكونوميكالىق ايماقتاردىڭ (اەا) جانە يندۋستريالدىق ايماقتاردىڭ (يا) تۇجىرىمدامالارى تانىستىرىلدى. پلەنارلىق سەسسيالار مەن ەكىجاقتى كەزدەسۋ كەزىندە كاسىپكەلەر اۋىل شارۋاشىلىعى، دەنساۋلىق ساقتاۋ، سۋ شارۋاشىلىعى، قاۋىپسىزدىك جانە جاسىل ەنەرگەتيكا سالالارىنداعى بىرلەسكەن جوبالاردى تالقىلادى.
قوسىمشا اقپارات الۋ ءۇشىن كەلەسى ەلەكتروندى مەكەن-جايىنا جانە بايلانىس تەلەفوندارىڭىزعا حابارلاسۋعا بولادى: pr@kaznexinvest.kz، +77172919040 ىشكى: 1090
انىقتاما ءۇشىن
قازاقستان مەن يزرايل اراسىنداعى تاۋار اينالىم 2015 جىلى 306 ملن. اقش دوللارىن قۇرادى. قازاقستاندىق ەكسپورتتىڭ ۇلەسى 219،1 ملن. اقش دوللارىن، يمپورتتىڭ ۇلەسى 86،9 ملن. اقش دوللارىن قۇرادى. قازاقستاندىق ەكسپورتتىڭ نەگىزگى باپتارى: مينەرالدىق وتىن، مۇناي، تۇز جانە كۇكىرت، ۇشۋ اپپاراتتارى، باعالى ەمەس مەتاللدار جانە داقىلدار بولىپ تابىلادى. 2016 جىلدىڭ 9 ايىندا تاۋار اينالىمى 237 ملن. اقش دوللارىن قۇرادى. يمپورتتىڭ نەگىزگى باپتارى: ەلەكتر ماشينالارى جانە جابدىقتار، يادرولىق رەاكتورلار، قازاندىقتار جانە مەحانيكالىق قۇرىلعىلار، وپتيكالىق اسپاپتار جانە اپپاراتتار، كوكنىستەردى جانە تىڭايتقىشتاردى وندەۋ ونىمدەرى بولىپ تابىلادى.
KAZNEX INVEST
قازاقستان رەسپۋبليكاسى ينۆەستيسيالار جانە دامۋ مينيسترلىگىنىڭ «KAZNEX INVEST» ەكسپورت جانە ينۆەستيسيالار جونىندەگى ۇلتتىق اگەنتتىگى» اكسيونەرلىك قوعامى – قازاقستاندىق شيكىزاتتىق ەمەس ەكسپورتتى ىلگەرىلەتۋ مەن دامىتۋعا جانە ەكونوميكانىڭ باسىم سەكتورلارىنا تىكەلەي شەتەلدىك ينۆەستيسيالاردى تارتۋعا ىقپال ەتەتىن ۇلتتىق دامۋ ينستيتۋتى.
