"قازاۆتوجول" باسشىلىعى مەن ەسەپ كوميتەتىنىڭ مەملەكەتتىك اۋديتورلارى ۇستالدى، - دەپ حابارلايدى Tengrinews.kz ءتىلشىسى. سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ وكىلدەرى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مەملەكەتتىك اۋديتورلارى ب.كوپوبايەۆ پەن ا.جاڭگىربايەۆتى ۇستادى.

"لاۋازىمدى تۇلعالار جوسپارلى تۇردە وتەتىن تەكسەرىستەر كەزىندە "قازاۆتوجول" باس ديرەكتورى س.مۇقاشيەۆتان ماقساتسىز جۇمسالعان بيۋدجەت قاراجاتىنداعى ەرەجە بۇزۋشىلىقتاردى كورسەتپەۋ ءۇشىن 16 000 000 تەڭگە كولەمىندە پارا العان. سونداي-اق، بۇل قىلمىسقا "قازاۆتوجولدىڭ" وبلىستىق فيليالدارىنداعى باسشىلارى دا تارتىلعان. ولار مەملەكەتتىك اۋديتورلارعا پارا جيناپ جۇرگەن"، - دەلىنگەن حابارلامادا.

"اسا ءىرى كولەمدە پارا العانى ءۇشىن مەملەكەتتىك اۋديتورلار ب.كوپوبايەۆا مەن ا.جاڭگىربايەۆا، پارا بەرگەنى ءۇشىن باس ديرەكتور س.مۇقاشيەۆ، ونىڭ ورىنباسارى ە.شامىشيەۆ، باس ەسەپشى ش.قورعانوۆا، ءبولىم جەتەكشىلەرى ب.ەلەمەسوۆ، ك.ءاجىعۇلوۆ، سونىمەن قاتار، "قازاۆتوجول" وبلىستىق فيليالدارىنىڭ جەتەكشىلەرى ۇستالدى"، - دەلىنگەن حابارلامادا.

قازىرگى ۋاقىتتا پارا بەرگەندەر مەن پارا العاندار استانا قالالىق ءىىد ۋاقىتشا ۇستاۋ يزولياتورىنا قامالدى. سوتالدى تەرگەۋ جالعاسىپ جاتىر.