يمام شەرمۋرود توعاي مۋنيسا ريزايەۆا اتتى ءارتىستى سىناپ، تالقىعا سالدى: وزبەكستاندا يسلامدانۋعا دايىنداق بار ما؟
شەرمۋرود توعاي «تينچليك» مەشىتىندەگى اليشەر-دوملا سەكىلدى جۇرتقا تانىمال، باتىستىڭ ىس-ارەكەتتەرىن اشكەرەلەيدى جانە دە AsiaTerra جازۋىمەن تانىلعان. 7 جەلتوقسان كۇنى ءوزىنىڭ جەلىدەگى پاراقشاسىنا «مۋسينا اتتى ءانشىنىڭ» جيىركەنىشتى ءارى ورەسكەل ونەرىنەن جاعامدى ۇستادىم دەپ مالىمدەدى دەپ حابارلايدى 365info.kz ، مالىمەتتىڭ قازاقشا نۇسقاسىن قامشى پورتالى وقىرمان نازارىنا ۇسىنادى.
«مۋسينانى بارلىق جاستار ءسۇيىپ تىڭدايدى ەكەن، سودان ۇلگى الادى ەكەن. بۇل ءانشىنىڭ اس-ىرەكەتىنىڭ قاسىندا باتىستىقتاردان اسىپ كەتەتىنىن مويىنداۋ كەرەك»، - دەپ ءدىندار يمام ويلانارلىق ءسوز ايتتى.
سونىمەن قاتار ءانشىنىڭ جاقتاستارىنا «جانۋارلاردان ايىرماشىلىعىن» ايتىپ ءوتىپ، ءبىر اۋىز سوزبەن اڭگىمەسىن تۇيىندەدى: «ءتىپتى، ايەل ادام ءولىم جازاسىنا كەسىلگەن جاعدايدا دا ول سىرتقا ورامالسىز شىقپاۋى ءتيىس».
ءسوزىنىڭ راستىعىن ءبىلدىرۋ ءۇشىن، يمام شەرمۋرود توعاي كەڭەس ۇكىمەتى كەزىندە ءوزى كۋاگەر بولعان ءبىر جاعدايدى بايانداپ بەردى: «ءبىر كۇنى يشان ءوز ايەلىمەن كولىك ايداپ كەلە جاتقانىندا، ءبىر ماي قىزمەتكەرى توقتاتىپ، ايەلىنىڭ ءجۇزىن كورسەتۋىن تالاپ ەتكەن. يشان سوندا ىركىلمەستەن، مەنىڭ جۇبايىمنىڭ بەتىن اشقىع كەلسە، باسىڭمەن قوشتاسا بەر دەپ جاۋاپ قاتقان. ماي قىزمەتكەرى شوشىنىپ قالىپ، بىردەن جىبەرگەن ەكەن». يشاننىڭ مۇنداي ارەكەتىنە ريزا بولعان چيلانزارلىق يمام ءوز قابىرعاسىنا: «مىنە، ول كەزدەرى قانداي دىنگە بەرىك ادامدار ءومىر سۇرگەن» دەپ جازىپ قويىپتى.
يمامنىڭ اشۋىنا تيگەن ءانشى قانداي قىلىق كورسەتتى ەكەن؟ باسقا انشىلەردەن ول قىزدىڭ قانداي ايىرماشىلىعى بار ەكەن؟
مۋنيسا ريزايەۆا بۇل جاعدايعا بايلانىستى ءالى جاۋاپ بەرگەن جوق.
