اقش-تىڭ اسكەري كۇشى قىتايلىقتاردان الدە قايدا مىقتى، الايدا قىتايدىڭ جاعالاۋلارىندا بولاتىن سوعىس وتە كۇردەلى، قاندى سوعىس بولادى جانە دە ونى جەڭۋ وڭاي بولا قويماس دەپ حابارلايدى aif.ru. مالىمەتتىڭ قازاقشا نۇسقاسىن قامشى پورتالى وقىرمان نازارىنا ۇسىنادى.

قحر-عا دونالد ترامپ قوڭىراۋ شالىپ قىتايدان اقش-قا ەكسپورتتالاتىن تاۋار ونىمدەرىن بىردەن 45%-عا كوتەرەتىنىن مالىمدەگەن. امەريكالىق ءوندىرىس كاسىپكەرلەرى قىتايلىق زاۋىتتارمەن  تەڭدەسە المايدى دەپ سىلتاۋراتقان ەكەن. اقش پرەزيدەنتى جاساعان بۇل كەلىسىمگە امەريكالىقتار ءوز نارازىلىقتارىن بىلدىرۋدە.

جەلتوقساننىڭ باسىندا ترامپ جۇڭگو مويىندامايتىن تايۆان مەملەكەتىنىڭ باسشىسىمەن تەلەفونمەن سويلەسكەن ەكەن. وسى ۋاقىتقا دەيىن ءبىر قىتايدىڭ ءىسىن ۆاشينگتون رەسمي تۇردە جۇرگىزىپ وتىر: تايۆان مەن اقش اراسىنداعى ديپلوماتيالىق ارا-قاتىناس 1979 جىلدىڭ وزىندە-اق توقتاتىلعان. بۇل ساياساتتان باس تارتۋ ارقىلى پەكيننىڭ تۋ سىرتىنان پىشاق سۇققانداي بولار ەدى. تىنىق مۇحيتىنداعى فلوت ادميرالىنىڭ كومانديرى قىتايعا توتەپ بەرۋگە  دايىن ەكەندىگىن مالىمدەدى.  الايدا، بۇل مالىمدەمە قىتايلىقتاردى قورقىتا قويمادى، ولار، ءتىپتى، اقش-تىڭ سۋ استىنا سۇڭگيتىن قۇرالدارىن باسىپ العان. سول سەبەپتەن، ترامپ قىتايدى قاراقشى دەپ سوككەن بولاتىن. ال قىتايلىقتار «دونالد ترامپ مەملەكەتتى باسقارۋعا قاۋقارسىز» دەپ جاريا ەتتى.

«ەكى ەل اراسىنداعى قارۋلى قاقتىعىستىن قاتتى قورقۋدىڭ قاجەتى جوق، الايدا اقش تا، جۇڭگو دا يادرولىق دەرجاۆا بولىپ تابىلادى. ءبىراق بۇلار وزدەرىنىڭ اسكەري كۇشتەرىن سىناپ كورۋ ماقساتىندا اسكەري ۇشاقتارمەن بىر-بىرىنە شابۋىل جاساۋى ابدەن مۇمكىن»، - دەپ مالىمدەدى اسكەري عىلىمنىڭ دوكتورى كونستانتين سيۆكوۆ.

«اقش پەن قحر  اراسىندا ەكونوميكالىق تەكەتىرەستىڭ دە بولۋى مۇمكىن. ولار بىر-بىرىنە كەڭەس ۇكىمەتى مەن اقش سەكىلدى قارسى تۇرادى دەپ ويلايمىن»، - دەپ ايتتى.

اقش پەن جۇڭگو اراسىنداعى بۇل كەلەڭسىزدىكتى رەسەي ءوز پايداسىنا اسىرىپ، الەمدىك دەڭگەيدە وزىندىك پوزيسياسىن كۇشەيتىپ الماق.

اۋدارعان: نازەركە لابيحان