ەگيپەتتەگى سايد پورتىندا 12 جانە 8 جاسار بالالارى بار بەس جەرگىلىكتى تۇرعىن ۇستالدى. ولار بۇلدىرشىندەردى سۋرەتكە ءتۇسىرىپ، ينتەرنەت قولدانۋشىلارىن «الەپپوداعى زارداپ شەككەن بالالار» دەپ الداعان. بۇل جايىندا lenta.ru پورتالى حابارلايدى. مالىمەتتىڭ قازاقشا نۇسقاسىن قامشى پورتالى وقىرمان نازارىنا ۇسىنادى.
ايماقتى شولىپ جۇرگەن سۋەس كانالىنىڭ قاراماعىنا قارايتىن پوليسەي قىزمەتكەرلەرى ءبىر كورگەننەن-اق سول ادامداردىڭ ىس-ارەكەتىنەن كۇدىكتەنە باستاعان.
كىشكەنتاي قىزدىڭ ۇستىنە قىزىل بوياۋ جاعىلعان اق كويلەك كيگىزىپ، قولىنا ءجال سونداي بوياۋعا مالىنعان جۇمساق ايۋ ويىنشىعىن ۇستاتقان. قىزدىڭ يىعىن داكەمەن تاڭىپ قويعان. ءتۇسىرىلىمدى بيلىكتىڭ شەشىمىمەن قيراتىلعان ۋيلەردە وتكىزگەن.
قولعا تۇسكەن فوتوگرافتار «الەپپوداعى زارداپ شەككەن بۇلدىرشىندەر» دەپ ينتەرنەتكە سالاتىندىقتارىن مويىنداعان.
فوتوگرافتاردىڭ باسشىسى ءتورت كۇنگە ۇستالىپ، قالعاندارى كەپىلمەن بوساتىلعان.
