بۇل اقش-تاعى سايلاۋعا ءبىر اپتا قالعانعا دەيىن بولدى.
باراك وباما «قىزىل تەلەفون» اتالاتىن ماسكەۋ مەن ۆاشينگتوندى بايلانىستىراتىن جەدەل جەلىنى اقش-تاعى پرەزيدەنتتىك سايلاۋعا ءبىر اپتا قالعاندا ءبىرىنشى رەت پايدالاندى. NBC ارناسىنىڭ مالىمدەمەسى بويىنشا، بۇل رەسەيدىڭ اقش-تاعى سايلاۋ ۇردىسىنە كەدەرگى جاساماۋى ءۇشىن الدىن-الا قامدانۋ ماقساتىندا جاسالعان ەكەن. تەلەارنا ءوزىنىڭ مالىمدەمەسىندە جوعارى قىزمەتتەگى دەرەككوزدەرگە سۇيەنىپ حابارلاپ وتىر.
اق ءۇيدىڭ وكىلدەرى دە بۇل اقپاراتتى راستاپ وتىر. 31 قازان كۇنى جىبەرىلگەن جولداۋ ناتيجەسىز قالماعان، ويتكەنى 8 قاراشا، سايلاۋ كۇنى «ەشتەڭە بولعان جوق».
كەي مالىمەتتەرگە سۇيەنسەك، كرەملمەن مۇنداي جولمەن بايلانىسۋعا ۇلكەن كەڭەسشىلەرىنىڭ ءبىرى وباماعا كەڭەس بەرگەن.
«حالىقارالىق قۇقىق، ونىڭ ىشىندە، قارۋلى قاقتىعىستارعا دا قاتىسى بار زاڭدار كيبەركەڭىستىكتەگى ارەكەتتەرگە دە تارالادى. اقش رەسەيدىڭ ارەكەتىن بەرىلگەن ستاندارتتان تىس باعالايتىن بولادى، دەپ ايتىلعان وبامانىڭ جازباسىندا.
«قىزىل تەلەفون» ساياسي داعدارىس كەزىندە شۇعىل تۇردە بايلانىستىراتىن جۇيە. نەگىزى بۇل ادەتتەگى تۇسىنىكتەگى تەلەفون ەمەس، ەلەكتروندى حاتتاردى جىبەرەتىن جۇيە.
NBC وبامانىڭ اكىمشىلىگى بۇل كانالدى بۇرىن-سوڭدى كولدانباعانىن ايتادى.
