عالامتوردا ادامدى ءتۇرلى ويعا جەتەلەپ، تاۋبەگە كەلتىرەتىن ۆيدەو جاريالانعان. 3 مينۋتتىق ۆيدەوعا قازىرگى قوعامدى دەندەگەن ۇلكەن رۋحاني، الەۋمەتتىك ىندەت سيىپ كەتكەن. ۆيدەوداعى بۋىنى قاتايماعان كىشكەنتاي بالالاردىڭ كوزىنەن ءۇمىتتى بايقايسىز.

قيىنشىلىق...شىدامدىلىق...ءۇمىت...بەرىلمەۋ...جاقىن ادامىڭنان قول ءۇزۋ...وسىنىڭ بارلىعىن 3 مينۋتتىق ۆيدەودان كورە الاسىزدار.

نە ىستەپ جاتىرسىڭدار؟

نان قوقىمىن جيناپ جاتىرمىز.

ادامدار تاماقتىڭ قۇنىن مۇلدە بىلمەي، جەرگە تاستايدى.

قاراڭىز، ءبىز قانشاسىن جيناپ الدىق جانە قانشاسى ءالى بار.

نەگە ادامدار ونى باسقالارعا بەرمەي، جەرگە تاستايدى ەكەن؟

بۇل قايدان كەلگەن نان؟

ادامدارعا كورسەتىلگەن ازىق-تۇلىك رەتىندەگى كومەك.

سەندەر ەشتەڭە المادىڭدار ما؟

جوق!

ەگەر بىزگە ونداي كومەك كورەسەتىلسە دالاعا شىعىپ جەردەگى ناندى تەرىپ جۇرمەۋشى ەدىك.

قايدانسىڭدار؟

ءبىز حادجاردانبىز (داماسك). ءبىزدىڭ اۋىلدان باسقالارى سوعىستى توقتاتپاقشى.

ال سەن نە ىستەپ وتىرسىڭ؟

ول مەنىڭ ءىنىم. مەنىمەن بىرگە نان قوقىمىن جيناپ جاتىر.

ودان كەيىن ونى سورپاعا قوسامىز.

قالاي ءومىر ءسۇرىپ جاتىرسىڭدار؟

سورپا مەن سۋدىڭ ارقاسىندا ءتىرى ءجۇرمىز.

دامدەۋىش قوسىلعان سورپامەن...

كەسپە جانە ماگگيمەن...

بۇلاي ءومىر ءسۇرىپ جاتقاندارىڭا قانشا بولدى؟

بىلگىلى ءبىر ۋاقىت...جىل

سەندەردىڭ اتا-انالارىڭ ءتىرى مە؟

اكەم وسىندا، ال انام اۋىلدان باسقا جەرگە كەتىپ، قايتىپ كەلە المادى.

اكەم جەكە كۋالىگىن جوعالتىپ الدى. سوندىقتان كومەك الا المايمىز.

جاسىڭ قانشادا؟

10-دا...

نەنى قالايسىڭ؟

مەن جاعداي جاقسارىپ، قارنىم تويعانشا تاماق جەگىم كەلەدى. قازىرگىدەي اش جاتىپ، اش قارىنمەن ويانعىم كەلمەيدى. ءبىز بۇلاي ءومىر سۇرە المايمىز.

انام اشتىقتان كەتىپ قالدى. ال ءبىز شىدامدى بولۋىمىز كەرەك. اكەمىز كومەكتەسىپ جاتىر...بىزگە ەشكىم كومەك قولىن سوزىپ جاتقان جوق. اللا عانا بىزبەن بىرگە.

سەندەر سابىرلىسىڭدار ما؟

ءبىز شىداپ جاتىرمىز. اللا بىزگە كومەكتەسەدى.

سەندەردى وسىنداي جاعدايعا قالدىرعان ادامدارعا نە ايتقىلارىڭ كەلەدى؟

ەشتەڭكە. ءبىزدى بارلىعى تاستاپ كەتتى.

ءبىز ۇلكەن جاقسى وتباسىنانبىز. ءبىراق ءبىزدى بارلىعى تاستاپ كەتتى.

ادامدارعا تەك ءبىر نارسە عانا ايتقىم كەلەدى ومىردەن ءلاززات الىڭدار!