شقو ماقانشى اۋىلىندا 55 جاستاعى ەر ادام 11 جاستاعى قىزدى ساياباقتا زورلاماق بولعان دەپ حابارلايدى tengrinews.kz. قحر ازاماتى قىزدىڭ وتباسىمەن جاقسى تانىس ەكەن. ول 11 جاسار قىزدى كيىم ساتىپ الىپ بەرەمىن دەپ دۇكەنگە الىپ كەتكەن. بىرنەشە دۇكەندى ارالاعاننان كەيىن، تاكسيمەن قىزدى ساياباققا اپارعان. ەر ادامنىڭ بۇل ارەكەتىنەن كۇدىكتەنگەن تاكسي جۇرگىزۋشىسى قۇقىققورعاۋ ورگاندارىنا حابارلاسىپ، ولار دەر كەزىندە جەتتى. قىتايدان كەلگەن وتانداسىمىز قىزدى شەشىندىرىپ ۇلگەرگەن. ول ءقازىر ۋاقىتشا ۇستاۋ يزولياتورىندا وتىر.
ءۇرجار اۋدانىندا كامەلەتكە تولماعان قىزدى زورلاۋ ارەكەتى بويىنشا سوتقا دەيىنگى تەرگەۋ جۇمىستارى جۇرگىزىلىپ جاتىر. qamshy.kz ءتىلشىسى ءۇرجار اۋدانىنىڭ ءىىب حابارلاسقانىندا، سوتقا دەيىن ءىس ماتەريالدارىمەن تانىستىرا المايتىنىن جەتكىزدى.
