Youtube-تە «رۋسسكيي ەكسپەرت پوزوريت نازاربايەۆا ي كازاحستان» («ورىس ساراپشىسى نازاربايەۆ پەن  قازاقستاندى ماسقارالاپ جاتىر») دەگەن اتاۋمەن 2 مينۋتتىق ۆيدەو جاريالاندى. ۆيدەونىڭ قاي جەردە جانە قاشان تۇسىرىلگەنى بەلگىسىز. قازاقستاننىڭ مۇناي ءوندىرۋ سالاسىن سىنعا العان ەر ادامنىڭ قاي ەلدىڭ ازاماتى ەكەنى تۋرالى اقپارات جوق. بەينەگە سايكەس ەر ادام ورىس ۇلتىنا ۇقسايدى. 

ۆيدەوداعى  ەر ادام قازاقستاندا جىلىنا 80 ميلليون توننا مۇناي وندىرىلەتىنىن ايتىپ، ءوزىن مۇناي ونىمدەرىمەن قامتاماسىز ەتە الماي وتىرعانىن ايتادى. رەسەيدى مىسالعا الىپ، ءپۋتيننىڭ ارقاسىندا مۇناي ءوندىرۋ سالاسى قارىشتاپ دامىعانىن تىلگە تيەك ەتەدى. ەگەر پۋتيننەن وقشاۋلانىپ، ومسكىدەن قازاقستانعا تەمىر جول ارقىلى تاۋار جەتكىزۋگە تيىم سالماساڭدار، ول بارلىق زاۋىتتارىڭدى توقتاتىپ تاستاۋشى ەدى دەيدى.

ۆيدەو كەيىپكەرى قازاقستاندا وندىرىلەتىن 100 توننا مۇنايدىڭ 50 تونناسىن مازۋت جاسايتىنىنا اشىناتىنىن جانە جوعارىدا اتاپ وتكەندەرىن تالاي مارتە ايتىپ جۇرگەنىن، ناتيجە شىعارا الماعانىن جەتكىزدى.