الماتى وبلىسى اكىمىنىڭ ورىنباسارى جاكسىلىق وماردىڭ توراعالىعىمەن ءوڭىر جاستارىنىڭ كەزەكتى كەڭەسى ءوتتى. جەتىسۋ جەرىنىڭ ءار تارابىنان جيىلعان جاستار وبلىستىق جاستار ساياساتى باسقارماسىنىڭ جىلدىق قورىتىندىسىن شىعارىپ، كەلەر جىلعا جوسپار قۇردى دەپ xابارلايدى وڭىردەگى ءتىلشىمىز. جيىن الماتى وبلىسىنىڭ جاستار ساياساتى ماسەلەلەرى بويىنشا باسقارما باسشىسى ايدىن نۇرمۇxامبەتتىڭ بايانداماسىنان باستالدى. ەسەپتى كەزەڭدە اتقارىلعان شارالاردى تىزبەكتەپ وتكەن باسقارما باسشىسى وزەكتى ماسەلەلەلەردىڭ دە باسىن اشتى. ولاردىڭ قاتارىندا جاستاردىڭ وز-وزىنە قول جۇمساۋ دەرەكتەرىمەن وسكەلەڭ ۇرپاقتىڭ زاڭدى بەلدەن باسۋ فاكتىلەرى ايتىلدى.

اتالعان ماسەلەلەردى نازارعا العان وبلىس اكىمىنىڭ ورىنباسارى جاكسىلىق ومار وڭىردەگى جاستار ساياساتىنا تىڭ كوزقاراس پەن جاڭا باستامالار قاجەت ەكەندىگىن العا تارتتى.

"ايماقتا دۇركىرەپ وتەتىن شارالاردىڭ بولعانى ارتىق ەمەس. دەگەنمەن، بۇل جاستار ساياساتىنىڭ باستى مىندەتى دەپ ايتۋعا كەلمەيدى. جاستار اراسىندا قىلمىستىڭ ءورشۋى ءارى ءوز وزىنە قول جۇمساۋى وسىنىڭ ايقىن كورسەتكىشى. سوندىقتان، بۇل باعىتتاعى جۇمىستى جاڭعىرتۋ قاجەت. وسى ورايدا، اتالعان ماسەلەگە قاتىستى ارنايى جۇمىس توبىن قۇرىپ، اۋقىمدى اناليز جاسالۋ كەرەك. انىقتالعان وتكىر ماسەلەلەر نەگزىندە "جاستار جولى" دەپ اتالاتىن قۇجات ازىرلەنۋى ءتيىس. قۇجاتتا ءبىرىنشى كەزەكتە اۋىل جاستارىنىڭ ماسەلەلەرىن تارقاتۋ باستى نازارع قويىلۋى مىندەت. ەكىنشى كەزەكتە جاستاردىڭ جۇمىسسىزدىعىن جويۋ. ۇشىنشىدەن – جاستاردىڭ بوس ۋاقىتىن ءتيىمدى پايدالانۋىنا جول اشۋ. تورتىنشىدەن، وسكەلەڭ ۇرپاق اراسىنداعى قىلمىستى الدىن الۋ جانە بەسىنشى كەزەكتە مۇمكىندىگى شەكتەۋلى جاستاردى الەۋمەتتەندىرۋ سىندى ماسەلەلەر كوتەرىلۋ قاجەت"، – دەپ، ناقتى تاپسىرمالاردى جۇكتەگەن وبلىس اكىمىنىڭ ورىنباسارى اتالعان جۇمىسقا جاستاردى اتسالىسۋعا شاقىردى.

ءوز كەزەگىندە ايماقتاردان جيىلعان جاستار باستامانى ءبىراۋىزدان قۇپتاپ، قولداۋلارىن جەتكىزدى.

شارا سوڭىندا ايماق الاماندارى اتقارىلعان جۇمىستارىنا ساي ماراپاتتالىپ، باعالى سىيلىقتارعا يە بولدى.