25 جەلتوقساندا قازاقستان پرەزيدەنتى نۇرسۇلتان نازاربايەۆ ساپارمەن پەتەربۋرگكە باردى. پۋلكوۆو اۋەجايىندا ونى سانكت-پەتەربۋرگتىڭ گۋبەرناتورى گەورگيي پولتاۆچەنكو مەن رەسەي فەدەراسياسىنىڭ سولتۇستىك باتىس فەدەرالدى وكرۋگىندەگى وكىلەتتى وكىلى نيكولاي سۋكانوۆ قارسى الدى. ەلباسى نۇرسۇلتان نازاربايەۆ پەتەربۋرگكە جوعارى ەۋرازيالىق ەكونوميكالىق كەڭەسىنىڭ ءماجىلىسى مەن ۇجىمدىق قاۋىپسىزدىك شارت ۇيىمىنىڭ ۇجىمدىق قاۋىپسىزدىك كەڭەسىنىڭ سەسسياسىنا قاتىسۋ ءۇشىن كەلدى.
قازاقستان پرەزيدەنتى نۇرسۇلتان نازاربايەۆ سانكت-پەتەربۋرگكە بارعان جۇمىس ساپارى بارىسىندا رەسەي پرەزيدەنتى ۆلاديمير پۋتين جانە تۇركيا باسشىسى رەجەپ تايىپ ەردوعانمەن سيريا بويىنشا ماسەلەلەردى تالقىلادى، دەپ حابارلايدى كرەملدىڭ باسپا ءسوز قىزمەتى.
اڭگىمە ەردوعاننىڭ باستاماسىمەن تەلەفون ارقىلى ءوربىدى. تۇركيا پرەزيدەنتى تۋ-154 ۇشاعىنىڭ اپاتقا ۇشىراۋىنا بايلانىستى پۋتينگە كوڭىل ايتقان سوڭ مەملەكەت باسشىلارى سيريا تۋرالى ماسەلەلەردى تالقىلادى.
ەستەرىڭىزگە سالا كەتسەك، نۇرسۇلتان نازاربايەۆ سانكت-پەتەربۋرگ قالاسىنا جۇمىس ساپارىمەن بارعان بولاتىن. ەلباسى وندا ەۋرازيالىق ەكونوميكالىق وداق سامميتىنە جانە ۇجىمدىق قاۋىپسىزدىك تۋرالى شارت ۇيىمىنىڭ وتىرىسىنا قاتىسادى دەپ كۇتىلۋدە. وسىعان دەيىن مەملەكەت باسشىسىنىڭ «دياكونت» كومپانياسى مەن «بيوكاد» كاسىپورنىنا بارعانىن حابارلاعان بولاتىنبىز.
