رەسەيدىڭ بەدەلدى قارجى ساراپشىلارىنىڭ ءبىرى، «الپاري» كومپانياسىنىڭ اعا ساراپشىسى اننا بودروۆا 2017 جىلعى «دوللار-تەڭگە» دۋەتىنىڭ ايىرباستاۋ دالىزىنە قاتىستى بولجامدارىن ايتتى. بۇل تۋرالى قازاقپارات جازدى.

«2017 جىلى اقش دوللارى قازاقستاندىق تەڭگەدەن ايتارلىقتاي باسىم بولادى، ءبىراق بۇل تەڭگەگە تۇراقتى قىسىمدى بىلدىرمەيدى. دوللاردىڭ ورتاشا قۇنى كەلەسى جىلى 310-380 تەڭگە بولادى. نارىقتىڭ بۇل ءدالىزى تۇسىنىكتى جانە بارشاعا ايان. ەۋرو 335-410 تەڭگە كولەمىندە قالادى»، - دەدى بودروۆ. سونىمەن بىرگە ونىڭ ايتۋىنشا، ينفلياسيالىق احۋال قولدانىستاعى كونيۋنكتۋرادا داميتىن بولادى. تۇتىنۋشىلىق باعا يندەكسى بىرتە-بىرتە تومەندەيدى جانە جىل قورىتىندىسى بويىنشا 6% قۇرايدى. جانە ول اقشانى قانداي ۆاليۋتادا ساقتاۋ كەرەگىن ايتتى. «اقش دوللارىن الۋدا ناقتى ماقسات بولۋى ءتيىس. ەگەر ماقسات جەكە جيناعىڭىزدى تولتىرۋ بولسا، كۋرستى باقىلاپ، تەڭگە تۇراقتانعان كەزدە عانا USD ساتىپ العان ءجون. ەگەر سىرتقى جاعداي كۇتپەگەن توسىنسىيلار اكەلمەسە، كۋرستىق قۇبىلمالىلىق ءبىرقالىپتى بولۋى مۇمكىن. ءقازىر، ۆاليۋتالار مەن شيكىزاتتىڭ سترەسسى جوق كەزدە، جەكە جيناق سەبەتى ءوز كەلبەتىن وزگەرتەدى. وندا شامامەن 60% اقش دوللارى، 30% تەڭگە، قالعانى ەۋرو مەن قولما-قول اقشا بولۋى مۇمكىن»، - دەپ ەسەپتەيدى اننا بودروۆا.

ايتا كەتەر بولساق، بيىلعى جىلى قاڭتار ايىندا دوللارعا شاققاندا تەڭگە باعامى 380 تەڭگە شاماسىنا دەيىن قۇنسىزدانعان بولاتىن.