25 جەلتوقساندا ساعات 16.00-دە وبلىستىق دەنساۋلىق ساقتاۋ باسقارماسىنىڭ باسشىسى نۇرلان قاسىموۆ ابايسىز اڭشىلىق تەگىس ۇڭعىلى قارۋمەن سول يىعىن جاراقاتتاپ العان، - دەپ حابارلايدى Pavlodarnews.kz.
ءبىر ساعاتتىڭ ىشىندە نۇرلان قاسىموۆ دەرەۋ وبلىستىق اۋرۋحاناعا جەتكىزىلىپ، وتا جاسالعان.
"بۇگىنگى كۇنى نۇرلان قاۋكەن ۇلىنىڭ جاعدايى تۇراقتى"، - دەدى باسقارما باسشىسىنىڭ ورىنباسارى نۇرلان ورازالين.
ەسكە سالايىق، نۇرلان قاسىموۆ پاۆلودار وبلىسى دەنساۋلىق ساقتاۋ باسقارماسىنىڭ باسشىسى بولىپ 2012 جىلى تاعايىندالعان. بۇعان دەيىن ول باس دارىگەر، استانا قالاسى "جەدەل مەديسينالىق كومەك كورسەتۋ رەسپۋبليكالىق عىلىمي ورتالىعى اق-نىڭ باسشىسى مىندەتىن اتقارعان.
