فينليانديادا ءاربىر بالا كوتەرگەن اناعا ونىڭ تابىسىنا، وتباسىلىق جاعدايىنا قاراماستان مەملەكەتتەن سابيگە قاجەتتى زاتتارمەن جابدىقتالعان ارنايى قوراپ بەرىلەدى.

ول جيناققا بالارلارعا ارنالعان جورگەك، كومبينەزون، قولعاپ، جايالىق جانە كوپتەگەن قاجەتكە جارايتىن زاتتار كىرەدى. الايدا، جاس انالار قوراپتىڭ ءوزىن بالالارعا ارنالعان توسەك رەتىندە پايدالانادى.

وعان قوسا، فينلياندياداعى بالا ءولىمىنىڭ كورسەتكىشى تومەن بولۋىنىڭ ءبىر سەبەبى ءسابي ءومىرىنىڭ العاشقى جىلدارىندا ءدال وسى قوراپتى توسەك ورىن رەتىندە پايدالانعاندىقتان دەگەن پىكىرلەر دە بار.

فينليانديانىڭ بيلىگى سابيلەرگە ارنالعان قوراپتى 1938 جىلدان بەرى تاراتىپ كەلەدى. العاشىندا ولار تەك تۇرمىسى تومەن وتباسىلارعا تاراتىلاتىن بولعان، كەيىننەن 1949 جىلى بارلىق قوعامعا، ءال-اۋقاتىنا قاراماستان ۇلەستىرەتىن بولدى.

1930 جىلى فينليانديا كەدەي مەملەكەتتەردىڭ ءبىرى بولعان جانە ءسابي ءولىمىنىڭ كورسەتكىشى وتە جوعارى بولدى: 1000-نان 65 ءسابي جاسىنا جەتپەي شەتىنەپ كەتەتىن. الايدا بۇل قايعىلى ستاتيستيكا تەز ارادا جاقسى جاعىنان وزگەرە باستادى.

قوراپشانى پوشتا بولىمشەلەرىندە تەگىن بەرەدى

قوراپ قاپتاماسىز وسىلاي كورىنەدى

ىشىندە مىنالار بار

قوراپتا ەكى كومبينەزون، باس كيىم، قولعاپ بار

جانە وسىنداي بالا وراۋعا ارنالعان جىلى جورگەك بار

سونداي-اق قوراپتا ءارتۇرلى باس كيىمدەر، شۇلىق جانە كولگوتكيلەر بار. بولەك قوراپشادا كىتاپشا، ويىنشىقتار، جانە بالالارعا ارنالعان گيگيەنالىق تاۋارلار بار.

ودان بولەك جايالىق، ورامال جانە كوپتەگەن بالالار كيىمى بار. بارلىعى گەندەرلىك بەيتاراپ تۇستە تاڭدالعان. قوراپتىڭ ەڭ تومەنگى بەتىندە قوراپتى توسەك رەتىندە پايدالانۋعا ارنالعان ارنايى ماتراس بار.

بۇل جاس انالاردىڭ ونسىز دا ماشاقاتى كوپ اتا-انالىق جولىندا قولداۋ ءبىلدىرۋ ءۇشىن وتە جاقسى يدەيا بولىپ تابىلادى. ال ەڭ قاجەتتى زاتتار ءبىر قوراپشانىڭ ىشىنەن تابىلا كەتسە، اتا-انالار ءۇشىن ۇلكەن جەڭىلدىك بولماق.