كانادادا تيمۋر بەكمامبەتوۆتىڭ Bazelevs كينوكومپانياسى تۇسىرگەن «Cybernatural» حوررورى «فانتازيا» جانرلىق كينولار فەستيۆالىنىڭ لاۋرەاتى اتاندى، دەپ حابارلادى قازاقپارات.
مونرەالدا وتكەن فەستيۆالدە ت.بەكمامبەتوۆتىڭ ءفيلمى «ەڭ يننوۆاسيالىق فيلم» اتانىپ، ەكى جۇلدەنى جەڭىپ الدى. بەكمامبەتوۆتىڭ ايتۋىنشا، ءتۇسىرىلىم توبى ءۇشىن ەڭ قيىنى جاڭا تەحنولوگياداعى مونتاج جۇمىسى بولعان. ەندى بۇل جاڭا ءتاسىلىن بەكمامبەتوۆ ودان ءارى ءتۇرلى جانرداعى فيلمدەردى تۇسىرۋگە قولدانباق.
تيمۋر بەكمامبەتوۆ پەن رەجيسسەر لەو گابريادزەنىڭ «Cybernatural» ءفيلمىنىڭ الەمدىك پرەمەراسى 28 شىلدەدە كانادا مونرەالداعى «Fantasia» كينوفەستيۆالىندە وتكەن بولاتىن
قورقىنىشتى جانردا تۇسىرىلگەن ءفيلمنىڭ سيۋجەتى بويىنشا ءولىپ قالعان قىز Skype ارقىلى ءوزىنىڭ سىنىپتاستارىمەن سويلەسە باستايدى. ونداعى بارلىق ارەكەتتەر كومپيۋتەر ەكرانىندا جۇزەگە اسادى.
قامشى-اقپارات
