جامبىل وبلىسىندا جاقىن دوسىنىڭ كىشكەنتاي ەگىز قىزدارىنا بەس جىل بويى ارسىزدىق كورسەتكەن ازعىنعا سوت ۇكىم كەستى. پەدوفيلدىڭ جابىرلەنۋشىلەرگە ءۇش جاسىنان باستاپ سەگىز جاسقا تولعانعا دەيىن، ايتۋعا اۋىز بارمايتىن ازعىندىق جاساعانى دالەلدەنىپ، 17 جىل ارقالادى.

ءناپسىقۇمار قارشاداي قىزداردى زورلاماعانىمەن، ۇدايى ۇياتسىز بەينەروليكتەر كورسەتىپ، اۋرەتتى جەرىن ۇستاتىپ، ءتىپتى سۇيگىزۋگە دەيىن بارعان. مۇنداي سوراقىلىق ءالى دە جالعاسۋى مۇمكىن ەدى. جابىرلەنۋشىلەر بولعان جايتتى ابايسىزدا 10 جاستاعى ناعاشى اكپەسىنە ايتىپ، ول اناسىنا جەتكىزگەن. ەگىز قىزدىڭ شەشەسى بۇل سۇمدىقتى ەستىگەنىمەن، كۇيەۋىنەن جاسىرىپ، اراداعى سان جىلدىق دوستىق قارىم-قاتىناستى ەسكەرىپ، 43 جاستاعى كورشىسىن كەشىرگەن. ءسويتىپ ىڭ-شىڭسىز ەلدى مەكەننەن كوشىپ كەتۋىن تالاپ ەتىپتى. الايدا ازعىن اۋىلدان قاراسىن باتىرماق تۇگىلى ارادا اي وتپەستەن بۇرىنعى ادەتىنە قايتا باسادى. ءسويتىپ، وتكەن جىلدىڭ قىركۇيەك ايىندا قاماۋعا الىنعان. سوتتالعان ازاماتتىڭ ايەلى مەن كامەلەتتىك جاسقا تولماعان ءۇش بالاسى بار.