قازاق جازۋشىسى قىتايدىڭ ادەبي سىيلىعىن جەڭىپ الدى. جاقىندا جۇڭگو جازۋشىلار وداعى مەن جۇڭگو ۇلتتىق ىستەرى كوميتەتى جاعىنان وتكىزىلگەن رەسپۋبليكالىق «تۇلپار» ادەبي سىيلىعىن ەنشىلەگەن 25 تۋىندىنىڭ قاتارىنا جازۋشى ورازقان احمەتوۆتىڭ «تۇلپاردىڭ سوڭعى تۇياعى» اتتى پوۆەستەر جيناعى كىردى، دەپ جازادى حالىق تورابى.
«تۇلپار» ادەبي سىيلىعى قىتايداعى ءتورت ءىرى ادەبي رەسپۋبليكالىق ماراپات «ءماۋدۇن»، «ءلۋشۇن» جانە «ۇزدىك بالالار ادەبيەتى» سىيلىقتارىنىڭ قاتارىنا كىرەتىن از ساندى ۇلتتارعا ارنالعان ادەبي شىعارمالاردى ساراپقا سالاتىن سىيلىق. ول 1981 جىلدان بەرى ءۇش جىلدا ءبىر رەت وتكىزىلىپ، الداعى ۋاقىتتا ءتورت جىلدا ءبىر وتكىزىلەتىن بولدى. ونىنشى رەت وتكىزىلىپ وتىرعان رەسپۋبليكالىق «تۇلپار» ادەبي سىيلىعىنا تالاسۋعا 230 ادەبي شىعارما مەن 10 اۋدارما كەلىپ تۇسكەن. بىرنەشە ايعا جالعاسقان دودادا بەس جانر بويىنشا 25 ادەبي شىعارما مەن 4 اۋدارما العا شىقتى. سونىڭ قاتارىنا جۇڭگو قازاقتارىنان شىققان جازۋشى ورازقان احمەتوۆتىڭ «تۇلپاردىڭ سوڭعى تۇياعى» اتتى پوۆەستەر جيناعى كىرىپ وتىر.
قارت جازۋشى اتالمىش سىيلىقتى ءۇشىنشى مارتە جەڭىپ الىپ وتىر. وسى رەتكى سايىسقا قاتىسقان جيناعىنا اۆتوردىڭ "كاسىپ تاڭداعان ادام"، "بۇراڭ جول"، "دۇرەگەي"، "اتامۇرا"، "جارمەڭكە"، "تاۋلى قىستاق اڭىزى"، "تۇلپاردىڭ سوڭعى كوشى" اتتى پوۆەستەرى جيناقتالعان.
مايرا قازىبەك
دەرەككوز: baq.kz
پىكىر قالدىرۋ