بۇل تۋرالى مۇحتار قۇل-مۇحاممەدتى بۇگىن سولتۇستىك قازاقستان وبلىسىنىڭ اكىمى حاباردار ەتتى. «نۇر وتان» پارتياسىنىڭ وبلىستىق اكتيۆىمەن وتكەن كەزدەسۋدە جاعىمدى جاڭالىقتى جاريا ەتكەن ەرىك سۇلتانوۆقا بۇكىل زال قول سوقتى. ءوڭىر باسشىسى تۇرىپ قالعان كاسىپورىندى ساتىپ الاتىن جەرگىلىكتى ينۆەستورلاردىڭ تابىلىپ، بيىلعى جىلى ءوندىرىستى ىسكە قوسۋعا دايىن ەكەندەرىن جەتكىزدى. ءقازىر قۇجاتتاردى راسىمدەۋ ءجۇرىپ جاتىر.
«بيوحيم» زاۋىتى 2006 جىلى سالىنعان. كاسىپورىن ىستەن شىعىپ، ۇزاق ۋاقىت بويى جۇمىسى توقتاپ تۇردى. الايدا وعان 80 ميلليون دوللاردان استام اقشا سالىنعان بولاتىن. ءبىراق بۇگىنگى كۇندە دە اتالعان ول بۇكىل قازاقستان مەن پوستكەڭەستىك كەڭىستىكتەگى بىرەگەي كاسىپورىن بولىپ تابىلادى. ول جىلىنا ەلۋ مىڭ توننادان استام بيوەتالون، 19 مىڭ توننا بالاۋىز، 24 مىڭ توننا اشىتقى، 58 مىڭ توننا ۇن مەن 50 مىڭ توننا كەبەك شىعارا الادى.
