12-اقپاندا «تۇمار» I ۇلتتىق تەليەۆيزيالىق بايگەسىنە قاتىسۋ بويىنشا وتىنىمدەردى قابىلداۋ باستالادى.

بايگەنى قازاقستان رەسپۋبليكاسى اقپارات جانە كوممۋنيكاسيالار مينيسترلىگىنىڭ قولداۋىمەن «قازمەديا ورتالىعى» ۇيىمداستىرادى. ماقساتى – ەلىمىزدىڭ ەڭ ساپالى جانە وزەكتى ءونىمىن انىقتاۋ ارقىلى قازاقستاندىق ساپالى تەليەۆيدەنيەنى دامىتۋ، ىلگەرى جىلجىتۋ، تەليەۆيزيالىق ءونىم جاساۋشى تالانتى كاسىبي مامانداردى قولداۋ.

بايگەگە 2016 جىلى ەفيرگە شىققان تەليەۆيزيالىق ايرىقشا جوبالار قاتىسادى. تەليەۆيزيالىق ءونىم جاساپ وتىرعان ۇلتتىق جانە ايماقتىق تەلەكومپانيالار، ستۋديالار،  پروديۋسەرلىك ورتالىقتار جانە باسقا دا مەديا  ءوندىرىس ۇيىمدارى ۇمىتكەر رەتىندە قاتىسۋ ءۇشىن 24.02.2017 دەيىن ءوتىنىش جولدايدى.

    «تۇمار» ستاتۋەتكاسى 12 اتالىم بويىنشا بەرىلەدى: ۇزدىك دەرەكتى كينو؛ ۇزدىك الەۋمەتتىك جوبا؛ ۇزدىك اقپاراتتىق باعدارلاما؛ ۇزدىك اقپاراتتىق-ساراپتامالىق باعدارلاما؛ ۇزدىك مۋزىكالىق باعدارلاما؛ ۇزدىك توك-شوۋ؛ ۇزدىك تەليەۆيزيالىق سەريال؛ ۇزدىك ءازىل-ىسقاق باعدارلاماسى؛ تەليەۆيزيالىق ماۋسىمنىڭ ۇزدىك جوباسى؛ تەليەۆيدەنيەنىڭ دامۋىنا ۇلەس قوسقانى ءۇشىن؛  ۇزدىك ايماقتىق اقپاراتتىق  باعدارلاما؛ ۇزدىك ايماقتىق الەۋمەتتىك باعدارلاما.

      قازىلار القاسى جولدانعان ماتەريالداردى ساراپتاپ،  قاراپ شىعىپ، جاسىرىن داۋىس بەرۋ ارقىلى لاۋرەاتتاردى انىقتايدى. قازىلار القاسى قازاقستاندىق تەليەۆيدەنيەنىڭ ەڭ كاسىبي ماماندارىنان جاساقتالادى.

قوسىمشا اقپارات رەسمي سايتتا: tumar.kz