وسىدان ءبىر نەشە كۇن بۇرىن قحر شىڭجاڭ ۇيعىر اۆتونوميالى اۋدانىناداعى قانداستارىمىزدىڭ اتا جۇرتىنا كەلۋىنە جۇڭگو ۇكىمەتى تاراپىنان جاسالىپ جاتقان كەدەرگىلەر تۋرالى «جۇڭگو قازاقستان ساياساتىنا قارسى ما» اتتى ماقالامىزدا ايتىپ ەدىك. زەينەت جاسىنا تولعان ازاماتتاردى قازاقستانعا جىبەرگىسى كەلمەگەن جەرگىلىكتى ۇكىمەت(اۋدان، قالا، ولكە) ولاردىڭ جىلدار بويعى ەڭبەگى بولىپ ەسەپتەلەتىن زەينەت اقىسىن كەسىپ تاستاۋ تۋرالى «قوقان لوقىسىن» كورسەتكەن ەدى. از بولسا دا ەڭبەگىنىڭ جەمىسىنەن ايىرلىعىسى كەلمەگەن قارتتارىمىز اتا جۇرتىنداعى بالا-شاعاسىنان شاراسىز قول ءۇزىپ وتىر. وسى تۋرالى «ءتۇن ۇيىقتاماي، كۇن وتىرماي» ءبىر تەتىگىن ىزدەستىرە باستاعانىمىز شىن. جۇڭگو مەملەكەتىنىڭ زاڭنامالارىن اقتارىستىرىپ كورىپ، زەينەت اقى تۋرالى مىنا ءبىر اقپاراتقا قول جەتكىزدىك.
2016 جىدىڭ 20 شىلدەسىندە بەلگىسىز ءبىر سايت قولدانۋشىسى سۇراق قالدىرعان ەكەن. وسى سۇراققا بەرىلگەن جاۋاپتى وقىپ كورىپ ەدىك، كوكەيگە قونىمدى بولىپ شىقتى. نازارلارىڭىزعا ۇسىنىپ وتىرمىز.
اۋدارىلعانى:
سۇراق: جۇڭگو ۇكىمەتىنەن زەينەتكە شىققان ازامات، شەتەل ازاماتتىعىن قابىلداعان بولسا، جالعاستى زەينەت اقىنسىنا قول جەتكىزە الا ما؟
جاۋاپ: جۇڭگو ۇكىمەتى قىزمەتكەرلەرى زەينەتكە شىعىپ، ودان ءارى شەتەل ازاماتتىعىن الۋعا قۇقىلى. ءارى زەينەت اقىسىنا تولىقتاي قول جەتكىزە الادى. بۇل زاڭ 1985 جىلى قولدانىسقا ەنگەن، مىنە 30 جىلدان بەرى جۇزەگە اسىپ كەلەدى. وسى «زاڭناماعا» ساي وزگە ەل ازاماتتىعىن العان قىتايلىق ازامات، ءوزى تۇرعان مەملەكەتتەگى جۇڭگو ەلشىلىگىنە بارىپ، قاجەتتى قۇجاتتار مەن وتىنىشتەردى قالدىرۋى كەرەك. وسى ارقىلى زەينەت اقىسىن جالعاستى الۋىنا بولادى. سايتتاعى وسى اقپاراتتاردا وسى زاڭ 2015 جىلدىڭ 7 شىلدەسىنەن باستاپ ءتىپتى دە كۇشىنە ەنىپ وتىرعانىن بايقاۋعا بولادى.
سۇراق-جاۋاپتىڭ قىتايشا نۇسقاسى جانە سايتتىڭ مەكەن-جايى:
قابا مىڭبايەۆ
