دجواننا پالاني ەسىمدى 23 جاستاعى دانيالىق ستۋدەنت قىزدىڭ باسى ءۇشىن 1 ميلليون دوللار ماراپات تاعايىندالىپ وتىر، دەپ حابارلايدى muslim.kz
دجواننانىڭ مۇنداي «مارتەبەگە» يە بولۋىنا 100-دەن استام دايش جاۋىنگەرىن ولتىرگەنى سەبەپ بولعان. ول اسكەري قىزمەتى كەزىندە كۇردتەر ورنالاسقان اۋماقتا ءجۇرىپ دايش لاڭكەستىك ۇيىمىنىڭ 100-دەن استام ساربازىنىڭ كوزىن جويعان.
دجواننانىڭ قانىندا يراننىڭ دا، كۇردتىڭ دە قانى بار. ول پارسى شىعاناعىنداعى سوعىس كەزىندە يراكتاعى بوسقىندار لاگەرىندە تۋعان. جاسى 2-گە تولعان كەزدە ونىڭ وتباسى كوشىپ كەتەدى. ال، 9 جاسىندا ول العاش رەت قولىنا قارۋ الادى.
2014 جىلى دجواننا دانياداعى وقۋىن تاستاپ، سيرياعا اتتانادى. وسى جەردە ول سيريا وپپوزيسيالىق كۇشتەرىنە قوسىلىپ، باشار اساد بيلىگىنە قارسى كۇرەسەدى، كەيىن دايش-قا قارسى سوعىسادى.+
ول نەگىزىنەن سوعىس قيمىلدارىن كوباني قالاسىندا جۇرگىزىپ، تۇتقىنعا تۇسكەندەر مەن سەكس-قۇلدىققا تاپ بولعانداردى بوساتۋمەن اينالىسادى.
ونىڭ ارەكەتى دانيا ۇكىمەتىنىڭ دە نازارىن اۋدارادى. ەلگە كەزەكتى رەت كەلگەن كەزدە وعان سوعىس بولىپ جاتقان اۋماققا بارۋعا تىيىم سالىنادى. الايدا، دجواننا مۇنىمەن كەلىسە الماي، كاتارعا اتتانادى. ءبىراق قىزدى ۇستاپ الىپ، دانياداعى ءىرى تۇرمەگە قامايدى. ءۇش اپتادان سوڭ ونى بوساتىپ، ءتولقۇجاتىن تاركىلەيدى.+
ول تىيىمدى بۇزعانىنا وكىنەدى. ءبىراق، دات ۇكىمەتىنىڭ ءوزىن دايش تەررورشىلارىمەن تەڭەستىرىپ قويعانىنا كەلىسپەيدى. ال، لاڭكەستەر بولسا ونىڭ باسى ءۇشىن 1 ميلليون دوللار تاعايىنداعان.
بۇرىنعى ستۋدەنت ءقازىر جاسىرىنىپ، ءوز ءومىرى ءۇشىن ءقاۋىپ ۇستىندە ءجۇر. ول ءار ءۇش كۇن سايىن ورىن اۋىستىرىپ، قاشۋمەن كەلەدى.
پىكىر قالدىرۋ