ونسىزدا رۋ-رۋعا بولىنگەن قازاق ەندى ورىندىقتارعا رۋدىڭ اتىن جازاتىندى شىعاردى. بۇعان دەيىن دە كولىكتەر مەن كىلتتەردە، ءارتۇرلى زاتتاردا تاڭبالاناتىن رۋدىڭ اتى ەندى ورىندىقتاردا كورىنىس الا باستادى.

بۇعان پىكىر بىلدىرگەن جانىبەك قوجىق Facebook پاراقشاسىندا: «رۋ، ول – سەنىڭ اتا باباڭنىڭ كيەلى ەسىمى. اتاڭنىڭ اتىن وتىراتىن ورىندىققا جازۋ، ءتۇرلى ارزان جارناماعا، اقشا ءۇشىن پايدالانۋ ول – اتاڭنىڭ ارۋاعىن قورلاۋ! بۇعان جول بەرۋگە بولمايدى! بۇل ورىندىقتار، ءقازىر اقتاۋ مەن جاڭاوزەن قالاسىنىڭ دۇكەندەرىندە ساتىلىپ جاتىر"، – دەيدى.

Facebook پاراقشاسىندا بەكسۇلتان تەلعوزى اتتى وقىرمان بىلاي دەپ پىكىر ءبىلدىردى: «راسى كەرەك. ءبىزدىڭ قازاقستانىمىزدىڭ كەي وڭىرلەرىندە وسىنداي ارەكەتتەردىڭ ءورشىپ تۇرعانى. كەيدە، وسىلاردى وزىنشە ءبىر ەل نەمەسە مەملەكەت پە دەپ ويلايسىڭ. رۋلارىن جازىپ، جاساعان ءىس ارەكەتتەرىن تىقپالاپ. ءبىرلىق قالىڭ قازاعىمىز دەگەن ۇعىم، ءقازىر راسىمەن ءوشىپ بارادى. باتىس وڭىرىنەن وسىمەن ەكىنشى - ءۇشىنشى وسىنداي جاعدايدى بايقاپ وتىرعانىم. بۇل تۇپكى جاعدايدا بولىنۋگە، جاستارعا وزگە وڭىردەگىلەردەن بولەك ەكەندەرىن ۇعىندىرۋمەن تەڭ. بۇل بولاشاقتاعى جاستارىمىزدىڭ بىر-بىرىنە دەگەن كوزقاراستارىنىڭ دۇرىس ەمەس بولۋىنا اكەلىپ سوعادى. رۋدى قىز الىسقا پايدالانۋ قاجەت قوي. جان - جاققا قىدىرىپ شىققانىڭدا، كەزىككەن ادامىڭمەن تانىس، ءبىلىس، رۋ سۇراس. ءبىراق، ىشكى جان دۇنيەڭدە، «بارلىعىمىز ءبىر قازاقتىڭ بالاسىمىز» دەگەن ۇعىم بولۋ كەرەك. مۇنداي رۋ جازىپ الۋ ارەكەتتەرىنە مەن دە قارسىمىن!»