جاقىندا قازالى قالاسىندا تۇراتىن ازامات نۇرماحانوۆتىڭ شاڭىراعىندا توسىن وقيعا ورىن الدى. ولاي دەيتىن سەبەبىمىز، ءبىر بۇيىرىندە «اللا»، ءبىر بۇيىرىندە «مۇحاممەد» دەگەن جازۋى بار قوزى تۋىلدى، دەپ حابارلايدى qazaly.kz

– كەشقۇرىم مال ورىستەن قايتقان سوڭ قوراعا كىرسەم، بۋاز انالىق قوي تولعاتىپ ءجۇر ەكەن. بۇل قالىپتى جاعداي بولعان سوڭ، ەش الاڭداماستان ۇيگە كىرىپ كەتتىم. تاڭعا جۋىق قوراعا كەلسەم، مال تولدەپ، قوزى تۋىپتى، – دەيدى ازامات ەدىل ۇلى.

جاڭا تۋعان قوزىنىڭ دەنەسىندەگى اق بەلگىنى بايقاعان ول تاڭعاجايىپ جازۋدى بىردەن قازالى قالاسىنداعى «جيەنالى احۋن» مەشىتىنىڭ يمامى بولاتبەك ناۋرىزبەكوۆكە كورسەتكەن. يمام قوزىنىڭ ۇستىندەگى «اللا جانە مۇحاممەد» دەگەن جازۋلاردى وقىپتى.

ءۇ.تۇكتىبايەۆ اۋىلىنداعى «ورىنبەت يشان» مەشىتىنىڭ باس يمامى عابدۋللا ءىزات: «بۇل جاعداي اللا تاعالانىڭ ءبىر، پايعامبارىمىز مۇحاممەدتىڭ (س.ع.س) حاق، قۇران كارىمنىڭ شىن ەكەنىن ايعاقتايدى. ءبىر بۇيىرىندە «اللا»، ەكىنشى بۇيىرىندە «مۇحاممەد» دەگەن جازۋى بار قوزىنىڭ قىزىلوردا وبلىسىندا العاش رەت قاسيەتتى قازالى جەرىندە تۋۋى كەزدەيسوقتىق ەمەس. بۇل توپىراق كيەلى جەر. ۋاقىتىسىندا بۇل جەردە ءجۇز مەشىت بولعان»، – دەپ بۇل تاڭعاجايىپ وقيعانى جاقسىلىققا جورىدى.

«جاقسىنى كورمەككە» دەگەن. بۇل تاڭعاجايىپ كورۋگە كەلگەن ادامنىڭ قاراسى كوپ بولدى. ولاردىڭ اراسىندا جاسارال سەرالييەۆ باستاعان نامازحان جىگىتتەر، كورشى-كولەم مەن اعايىن-تۋىستار بار. جاسى سەكسەننىڭ تورتەۋىنە كەلگەن ءومىرزاق وسپانوۆ اقساقال بۇل جاقسىلىقتىڭ نىشانى ەكەنىن ايتىپ، اق باتاسىن بەردى. بيىل پايعامبار جاسىنا كەلگەن سارقىت اپاي جينالعاندارعا اۋلەتتىڭ اتىنان العىسىن ايتىپ، ءومىرزاق اقساقالدىڭ يىعىنا شاپان جاپتى.