تانىمال ادەبيەتشىلەردىڭ ادەتتەرى مەن ۇرەيلەرى ولار جايىندا ولاردىڭ ءومىرباياندىق دەرەكتەرىنەن دە كوپ ءارى اسەرلى قىلىپ ايتىپ بەرە الادى. تومەندەگى مىنا قىزىقتى فاكتىلەر مەن ولاردىڭ ومىرىندە بولعان وقيعالار وقىرمان قاۋىمدى تاڭعالدىرۋى مۇمكىن دەپ جازادى massaget.kz.

نيكولاي ۆاسيليەۆيچ گوگول

گوگول ءومىر بويى ونى ءتىرى كۇيىندە كومىپ تاستاۋ قاۋپىنەن قورىقتى. الايدا، جازۋشىنىڭ بۇل ۇرەيى نەگىزسىز بولمادى، سەبەبى گوگول جاس كەزىندە ەنسەفاليت بەزگەگىنەن زارداپ شەككەن. ول كەزەكتى رەت ەستەن تانىپ قالعاننان كەيىن ونى ولىگە قابىلداپ كومىپ تاستاۋدان قاتتى قورىقتى. ءومىرىنىڭ سوڭعى جىلدارىندا ونىڭ ۇرەيى دۇربەلەڭ قورقىنىشقا اينالدى. وسىعان بايلانىستى ول ءتىپتى كەرۋەتكە جاتىپ ۇيىقتاماي، ۇستەلدە وتىرىپ ۇيىقتاۋعا ءماجبۇر بولدى.

ۆلاديمير ماياكوۆسكيي

ماياكوۆسكيي اۋاداعى ءارتۇرلى ينفەكسيالاردى جۇقتىرىپ الۋدان قاتتى قورىقتى. سوندىقتان دا ول ەسىكتىڭ تۇتقالارىنا ەشقاشان قول تيگىزبەدى. سونداي-اق ول وزىمەن بىرگە قولعابىن تاستاماي، ءتىپتى شەشپەي كيىپ ءجۇردى.

 سەرگەي ەسەنين

ەسەنين بولسا، مەرەز دەرتىنە شالدىعۋدان قاتتى قورىقتى. ءتىپتى مىنانداي جايتتار دا ورىن العان: ەگەر مۇرنىنا كىشكەنتاي بەزەۋ شىققانىن بايقاسا، ايناعا قاراپ، بەزەۋدەن كوز الماي باقىلايتىن بولعان. ال كەيبىر كەزدەردە ءتىپتى كىتاپxاناعا اسىعىپ، وندا اۋرۋدىڭ بارلىق دامۋ جولدارىن وقىپ، زەرتتەيتىن بولعان ەكەن.

ەدگار اللان پو

ەدگار پو ءومىرىنىڭ سوڭىنا دەيىن قاراڭعىدان قورىققان. مۇمكىن بۇل قورقىنىشىنىڭ ءبىر سەبەبى، ونىڭ بالا كەزىندە مولادا ساباق وقىعانىندا شىعار... سەبەبى، بولاشاق جازۋشى وقىعان مەكتەپتىڭ xءالى تىم ناشار بولعانى سونشالىق، ءتىپتى كىتاپ ساتىپ الاتىن جاعدايى دا بولماعان. الايدا، ماتەماتيكادان بەرەتىن تاپقىر ءمۇعالىم ماتەماتيكا ساباعىن مەكتەپ جانىنداعى مولالاردا وتكىزگەن. ءار وقۋشى مارقۇمنىڭ قۇلپىتاسىنداعى قايتىس بولعان جىلىنان تۋعان جىلىن الىپ، باقيلىق جاننىڭ نەشە جىل ءومىر سۇرگەنىن ەسەپتەيتىن بولعان. سوندىقتان دا ەدگار اللاننىڭ قورقىنىشتى اڭگىمەلەردىڭ نەگىزىن قالاۋشىلاردىڭ ءبىرى بولعانىنا تاڭعالۋعا بولمايدى.

دجەيمس دجويس

دجويس كينوفوبيامەن، كەراۋنوفوبيامەن جانە گيدروفوبيامەن اۋىرعان، ياعني سۋدان، يتتەن، سوسىن نايزاعايدان قورىققان. جاس كەزىندە ول ءۇشىن جۋىنۋ - كۇردەلى ءارى ارەڭ شەشىلەتىن ماسەلەلەرىنىڭ ءبىرى ەدى.

ستيۆەن كينگ

كينگ ۇشاقتاردان، ناقتىراق ايتقاندا ۇشاقپەن ۇشۋدان، ودان باسقا "13" سانىنان جانە قارا مىسىقتان قاتتى قورىققان. ءوزىنىڭ كىتاپتارىن جازىپ جاتىپ ول ەشقاشان ون ءۇشىنشى بەتكە توقتامايدى جانە ول قاراڭعىدان قورىققاندىقتان ۇنەمى جارىق جاعىپ ۇيىقتاعان.

اۋدارعان: رۋسلان مەرالييەۆ