ۇلتتىق بيۋرو ءابليازوۆقا قاتىستى سوتقا دەيىنگى تەرگەۋ جۇمىستارىن جالعاستىرىپ جاتىر، - دەپ حابارلايدى Tengrinews.kz ءتىلشىسى ۆەدومستۆونىڭ باسپا ءسوز قىزمەتىنە سىلتەمە جاساپ.

"Cىبايلاس جەمقورلىققا قارسى ءىس-قيمىل ۇلتتىق بيۋروسى "بتا بانك" اق  ديرەكتورلار كەڭەسىنىڭ بۇرىنعى ءتوراعاسى مۇحتار ءابليازوۆتىڭ 7 ميلليارد دوللاردان اسا قاراجاتتى جىمقىرۋ دەرەگى بويىنشا سوتقا دەيىنگى تەرگەۋ جۇمىستارىن جالعاستىرىپ جاتىر. تەرگەۋ مالىمەتىنشە، ءابليازوۆ جىمقىرعان اقشالارمەن اكسيالاردى ساتىپ الىپ، بانكتىڭ كاپيتالىن وسىرگەن. وسىلايشا، شەتەلدىك ينۆەستورلار مەن قازاقستان ازاماتتارى بانكتىڭ تۇراقتىلىعىنا سەنىپ، سوندا قاراجاتتارىن سالىپ كەلگەن. 2005-2008 جىلدار اراسىندا سالىنعان دەپوزيتتەر مەن ينۆەستيسيالاردى بارىنشا ارتتىرۋ ناتيجەسىندە بانك كاپيتالى 8 ەسەگە وسكەن. سودان مۇحتار ءابليازوۆ بىرنەشە كومپانياسىن نەسيەلەۋ ارقىلى ادامداردى الداپ، اقشالاردى جىمقىرعان"، - دەلىنگەن ۆەدومستۆونىڭ حابارلاماسىندا.

ق ر ۇلتتىق بيۋرو وكىلدەرى ءابليازوۆقا 2017 جىلدىڭ 15 اقپانىنا دەيىن ۆەدومستۆونىڭ اكىمشىلىك عيماراتىنا كەلۋ قاجەتتىگىن ايتىپ ءوتتى.

"قازىرگى ۋاقىتتا تەرگەۋدىڭ اسا اۋىر قىلمىس جاساۋ دەرەگى بويىنشا جيناعان دالەلدەرى ارقىلى كۇدىكتى ءابليازوۆتىڭ ارەكەتىن ق ر قىلمىستىق كودەكسىنىڭ 263-بابىنىڭ 4-بولىگىنەن ("قىلمىستىق قوعامداستىق قۇرۋ جانە وعان باسشىلىق ەتۋ، سول سياقتى وعان قاتىسۋ") ق ر قىلمىستىق كودەكسىنىڭ 176-بابىنىڭ 3-بولىگىنىڭ "ا"، "ب" تارماقتارىنا ("مەملەكەتتiك قۇپيالاردى قۇرايتىن ءمالiمەتتەردi شەت مەملەكەتكە، حالىقارالىق نەمەسە شەتەلدiك ۇيىمعا نە ولاردىڭ وكiلدەرiنە بەرۋ")، ق ر قىلمىستىق كودەكسىنىڭ 24-بابىنىڭ 3-بولىگىن ق ر قىلمىستىق كودەكسىنىڭ 176-بابىنىڭ 3-بولىگىنىڭ  "ا"، "ب" تارماقتارىنا، ق ر قىلمىستىق كودەكسىنىڭ 193-بابىنىڭ 3-بولىگىنىڭ "ب"، "ۆ" تارماقتارىنا ("ەرەكشە قۇندىلىعى بار زاتتاردى جىمقىرۋ" - الدىن الا ءسوز بايلاسۋ ارقىلى ادامدار توبى جاساعان؛)، ق ر قىلمىستىق كودەكسىنىڭ 220-بابىنىڭ 1-بولىگى ("وبليگاسيالاردى ورنالاستىرۋدان الىنعان اقشانى ماقساتسىز پايدالانۋ") جانە ق ر قىلمىستىق كودەكسىنىڭ 228-بابىنا ("باعالى قاعازدارمەن وپەراسيالار جۇرگiزۋ قاعيدالارىن بۇزۋ") باپتارىنا اۋىستىرۋ مۇمكىن بولدى. ق ر قىلمىستىق-پروسەسسۋالدىق كودەكسىنىڭ 206-بابىنىڭ 1-بولىگىنە سايكەس، كۇدىكتىنىڭ ىس-ارەكەتىن سارالاۋ تۋرالى قاۋلى، ەگەر قورعاۋشىنىڭ قاتىسۋى زاڭ بويىنشا مىندەتتى بولسا نەمەسە بۇل تۋرالى كۇدىكتى ءوتىنىشحات بەرسە، قورعاۋشىنىڭ قاتىسۋىمەن جانە قاۋلى شىعارىلعان كەزدەن باستاپ جيىرما ءتورت ساعاتتان كەشىكتىرىلمەي جاريا ەتىلەدى. كۇدىكتى نەمەسە ونىڭ قورعاۋشىسى كەلمەي قالعان جاعدايدا، قاۋلى جيىرما ءتورت ساعات وتكەننەن كەيىن دە جاريالانۋى مۇمكىن. مۇحتار ءابليازوۆتىڭ قازاقستان رەسپۋبليكاسىنان تىس جەردە بولۋىنا جانە ۇلتتىق بيۋروعا كەلۋدەن باس تارتۋىنا بايلانىستى ق ر قىلمىستىق-پروسەسسۋالدىق كودەكسىنىڭ 206-بابىنىڭ 8-بولىگىنە سايكەس، كۇدىكتى قازاقستان رەسپۋبليكاسىنان تىس جەردە بولعان جانە قىلمىستىق قۋدالاۋ ورگاندارىنا كەلۋدەن جالتارعان جاعدايدا - سوتقا دەيىنگى تەرگەپ-تەكسەرۋدى جۇزەگە اسىراتىن ادام، ال قورعاۋشى كەلگەن جاعدايدا - قورعاۋشى دا، كۇدىكتىنىڭ ىس-ارەكەتىن سارالاۋ تۋرالى قاۋلىدا ونىڭ قازاقستان رەسپۋبليكاسىنىڭ شەگىنەن تىس جەردە بولۋىنا جانە سوتقا دەيىنگى تەرگەپ-تەكسەرۋ ورگاندارىنا كەلۋدەن جالتارۋىنا بايلانىستى كۇدىكتى دەپ جاريالاۋ مۇمكىن ەمەستىگىن كۋالاندىرادى. وسىعان بايلانىستى ءابليازوۆ 2017 جىلدىڭ 15 اقپانىنان دەيىن مىنا مەكەنجاي بويىنشا ورنالاسقان ۇلتتىق بيۋرونىڭ اكىمشىلىك عيماراتىنا كەلۋى ءتيىس: قازاقستان رەسپۋبليكاسى، استانا قالاسى، سەيفۋللين كوشەسى، 37"، - دەلىنگەن ۇلتتىق بيۋرونىڭ حابارلاماسىندا.

ەسكە سالا كەتەيىك، 2017 جىلدىڭ 2 اقپانىندا ق ر سىبايلاس جەمقورلىققا قارسى ءىس-قيمىل ۇلتتىق بيۋروسى جاۋاپ الۋ ءۇشىن مۇحتار ءابليازوۆتى استاناعا شاقىرعان بولاتىن. "ق ر سىبايلاس جەمقورلىققا قارسى ءىس-قيمىل ۇلتتىق بيۋروسى "بتا بانك" اق بۇرىنعى توپ-مەنەدجمەنتى م.ق.ءابليازوۆقا، ج.د.جارىمبەتوۆكە جانە وزگەلەرگە قاتىستى قىلمىستىق ءىستىڭ سوتالدى تەرگەۋىن جالعاستىرىپ جاتىر. تەرگەۋ بارىسىندا انتيكوررۋپسيا قىزمەتى ءابليازوۆ پەن ونىڭ سىبايلاستارىنىڭ زاڭسىز ارەكەتتەرىنىڭ قوسىمشا دالەلدەرىن تاپتى. بانكتەن قاراجاتتى جىمقىرۋدىڭ جاڭا نۇسقالارى اشىلدى. انىقتالعان دەرەكتەر ءابليازوۆتىڭ قىلمىستىق ۇيىم قۇرىپ، وعان باسشىلىق ەتكەن دەگەن قوسىمشا كۇدىك كەلىپ وتىر. ونىڭ ىشىندە ءبىرقاتار ۇيىمداسقان قىلمىستىق توپ كىرەدى، توپ قازاقستان تەرريتورياسىندا دا، شەتەلدە دە ارەكەت ەتكەن"، - دەلىنگەن ەدى ۆەدومستۆو حابارلاماسىندا.