بۇگىن قازاقستان حالقى استانادا ەسەپ كوميتەتىنىڭ ءتوراعاسى قوزىكورپەش ءجاڭبىرشيندى اقتىق ساپارعا شىعارىپ سالىپ جاتىر.
ازاماتتىق جانازا سەيسەنبى كۇنى تاڭەرتەڭ م. گوركيي اتىنداعى ورىس دراما تەاترىندا ءوتتى. جانازاعا مەملەكەتتىك جانە قوعامدىق قايراتكەرلەر، پارلامەنت دەپۋتاتتارى قاتىستى. جاڭبىرشين ۇلتتىق پانتەونعا جەرلەنەدى.
"قوزەكە ەلدىڭ بولاشاعى ءۇشىن ايانباي ەڭبەك ەتىپ، ءوز ۇلەسىن قوستى، سوڭىنان وشپەس ءىز قالدىردى. مەملەكەت تە مۇنى باعالادى. ءبىز مەملەكەت باسشىسى مەن ۇكىمەت مۇشەلەرىنىڭ اتىنان كوڭىل ايتامىز"، — دەدى ق ر اۋىل شارۋاشىلىعى ءمينيسترى، پرەمەر-مينيستردىڭ ورىنباسارى اسقار مىرزاحمەتوۆ.
رەسپۋبليكالىق بيۋدجەتتىڭ ورىندالۋىن باقىلاۋ بويىنشا ەسەپ كوميتەتىنىڭ ءتوراعاسى قوزىكورپەش جاڭبىرشين اقپاننىڭ 11-نەن 12-نە قاراعان ءتۇنى قايتىس بولعان ەدى. جۇرەك اۋرۋىنان باقيلىق بولعان قوزىكورپەش جاڭبىرشين 1960 جىلى 2 شىلدەدە اقتوبە وبلىسى بايعانين اۋدانى جارقامىس اۋىلىندا دۇنيەگە كەلگەن.
ول مەملەكەت باسشىسىنىڭ 2014 جىلعى 15 قاڭتارداعى جارلىعىمەن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتوراعاسى بولىپ تاعايىندالعان.
پىكىر قالدىرۋ