گانادا ءمايىتحانا قىزمەتكەرلەرى ءوز قىزمەتىنە اقشا الماعانى ءۇشىن جەرلەيىندەپ جاتقان جەرىنەن قايتىس بولعان ەر ادامنىڭ دەنەسىن الىپ كەتكەن دەپ حابارلايدى Daily Mail.
گانا استاناسى اككرەدە بولعان وقيعا ۆيدەوعا ءتۇسىپ قالعان. ءمايىتحانانىڭ ەكى قىزمەتكەرى جەرلەۋ كەزىندە زيراتقا بارىپ، ادامداردىڭ قارسىلىعىنا قاراماستان تابىتتان ەر ادامنىڭ دەنەسىن الىپ شىعىپ، وزدەرىمەن بىرگە الىپ كەتكەن.
ەكى قىزمەتكەردىڭ مۇنداي ارەكەتىنە ءمايىتحانا قىزمەتى ءۇشىن 150 گاندىق سەديدى ($35) تولەمەگەنى سەبەپ بولعان.
قايتىس بولعان ەر ادامنىڭ تۋىستارى ماسەلەنى شەشىپ، جەرلەۋ ءراسىمىن ويداعىداي وتكىزە الدى ما الدە جوق پا بەلگىسىز.
بۇعان دەيىن اقش تۇرعىنى ءمايىتحانادان ءولى ادامنىڭ دەنەسى سالىنعان كولىكتى ايداپ كەتكەن. ءولى ادامنىڭ دەنەسىن كورگەننەن كەيىن كولىكتى قايتارىپ بەرىپ، ءدال سول ۋاقىتتا باسقا كولىكتى ۇرلاۋعا ارەكەت جاساماق بولعان. الايدا ادامدار دەر كەزىندە ونى ۇستاپ، پوليسياعا وتكىزدى.
