اقش پرەزيدەنتى دونالد ترامپ پرەسس-كونفەرەنسيادا امەريكا جاعالاۋىندا تابىلعان رەسەيلىك كەمە جايىندا ايتىپ قالدى، دەپ حابارلايدى informburo.kz.
اقش پرەزيدەنتى دونالد ترامپ رەسەيگە قاتىستى سىرتقى ساياسي جوسپارلارىمەن بولىسپەيتىنىن تىلشىلەرگە حابارلادى.
پرەسس-كونفەرەنسيا ۇستىندە تىلشىلەر ترامپتان امەريكا جاعالاۋىنان تابىلعان «ۆيكتور لەونوۆ» اتتى بارلاۋ كەمەسىنە قاتىستى، سونداي-اق حالىقارالىق مىندەتتەمەلەرگە قاراماستان اسكەري قارۋلاندىرۋ قۇرامىنا قاناتتى راكەتالاردى قابىلداۋى جانە قارا تەڭىز جاعالاۋىندا رەسەيلىك ۇشاق پەن امەريكالىق كەمەنىڭ كەزەدسۋىنە قاتىستى سۇراقتار قويدى.
«قانداي جوسپارلارىمنىڭ بار ەكەنىن ەشكىممەن بولىسپەيمىن»، - دەپ جاۋاپ بەردى ترامپ، ءوزىنىڭ اسكەري جانە باسقا دا ىستەرى جايىندا حالىققا جاريالاعىسى كەلمەي..
«سولتۇستىك كورەياعا، يرانعا قاتىستى جوسپارلارىممەن بولىسپەيمىن. سەبەبى، بۇل جايىندا ولاردىڭ وزدەرى بىلمەۋى ءتيىس. سوندىقتان رەسەيلىك كەمەگە دە قاتىستى ويىمدى جاريالامايمىن. ەشقانداي امال قولدانبايمىن دەپ ۇمىتتەنەمىن، سوندا دا بىلمەگەندەرىڭ ابزال» ، - دەپ جۇمباقتادى اقش پرەزيدەنتى.
پرەسس-كونفەرەنسيادا ترامپ ءبىرنىشى امەريكا جاعالاۋىنان تابىلعان رەسەيلىك كەمە جايىندا حابارلادى:
«جاعالاۋدان 30 ميلدىك قاشىقتىقتا ورنالاسقان كەمەنى رەسەيدىڭ وزىنە اپارىپ بەرسەم دە بولادى. وعان ەلىمىزدىڭ ءار ادامى وڭ كوزقاراس تانىتىپ، «كەرەمەت جاڭالىق» دەسىپ قالار ەدى. ءبىراق بۇل ەشقانداي دا كەرەمەت جاڭالىق بولمايدى. مەن رەسەيمەن ارامىزدى تۇزەتۋگە تىرىسقىم كەلەتىن ەدى»
اقش تاياۋ شىعىستاعى وداقتاستارىمەن اراب اسكەري كوالاسيانى ناتو-عا ۇقساستىرىپ سالۋ جونىندەگى سۇراقتاردى قاراستىرۋدا.
الداعى دەرەكتەر بويىنشا، اسكەري وداق قۇرامىنا 5 مەملەكەت كىرەدى: يزرايل، ساۋد ارابياسى، ءباا، ەگيپەت جانە يوردانيا. اتالعان مەملەكەتتەر يرانعا قارسى وداقتاسپاق نيەتتە.
