سەنات ءتوراعاسى قاسىم-جومارت توقايەۆ ەرەكشە داۋىس يەسى، ميللياردتار ەلى قىتايعا قازاق اتىن تانىتىپ جۇرگەن ديماش قۇدايبەرگەن تۋرالى Twitter-دە پىكىرىن ءبىلدىردى دەپ حابارلايدى «قامشى» پورتالى.

«ديماش قۇدايبەرگەن بەلگىلى انشىلەر وتباسىنان شىققان اسا دارىندى مۋزىكانت، بۇكىل الەمگە تانىمال بولدى. ونەر مانسابىن تابىستى بولسىن، باۋىرىم!»، - دەپ جازدى سەنات سپيكەرى.

ايتا كەتەر بولساق، ديماش قىتايدا «مەن ءانشىمىن» اتتى تەلەبايقاۋدا ب ا ق سىناپ جاتىر. 14 كەزەڭنەن تۇراتىن بايقاۋدىڭ ازىرگە دەيىن 6 كەزەڭى ءوتتى. ديماش 1، 2 كەزەڭدە ءبىرىنشى ورىن، 3، 4 كەزەڭدە ءۇشىنشى ورىن، 5 كەزەڭدە 5 ورىن السا، كەشە عانا 6 كەزەڭدە تاعى دا ءبىرىنشى ورىن العانى بەلگىلى بولدى.

ديماش قۇدايبەرگەنوۆ ۆيتەبسكتە وتكەن "سلاۆيان بازارى-2015" حالىقارالىق بايقاۋىندا جەڭىمپاز اتانعان ەدى. ول، سونىمەن قاتار، "شىعىس بازارى" جانە "مەيكين ازيا" بايقاۋلارىنىڭ گران-پري يەگەرى.

ديماش قۇدايبەرگەن بەلگىلى انشىلەر وتباسىنان شىققان اسا دارىندى مۋزىكانت، بۇكىل الەمگە تانىمال بولدى. ونەر مانسابىن تابىستى بولسىن، باۋىرىم!

— Kassym-JomartTokayev (@TokayevKZ) February 15، 2017