اقش-تا قانداسىمىز قانات يسلام 23 كەزدەسۋىن وتكىزىپ، قارسىلاسىن العاشقى مينۋتتا-اق قۇلاتىپ سالدى دەپ حابارلايدى "قامشى" پورتالى. كەزدەسۋ امەريكانىڭ دەلاۆەر شتاتى ۋيلمينگتون قالاسىندا ءوتتى.
ايتا كەتسەك، وتانداسىمىز 23 كەزدەسۋىن الماتىدا وتكىزگەن بولاتىن.
بۇگىن قانات يسلام برازيليالىق بوكسشى روبسون اسسيسپەن جەكپە-جەككە شىقتى. بوكسشىمىز شارشى الاڭعا "قامشى" پورتالىنىڭ گيمنى "ءدۇر قامشى" انىمەن كوتەرىلدى. ويىن باستالا سالا قاباعىن قاناتىپ العان قانات قارىمتا سوققىسىن ۇدەتىپ، قارسىلاسىن وڭ قولىمەن ءبىر مينۋتقا جەتپەس ۋاقىتتا-اق نوكاۋتقا جىبەردى.
جەكپە-جەكتى "قازاقستان" جانە KazSport ارنالارى تىكەلەي ەفيردەن كورسەتتى.
قانات يسلام جەڭىس سوزىندە اعىلشىن جانە قازاق تىلىندە جانكۇيەرىنە العىس ءبىلدىردى.
جارىستى كورۋگە قانات يسلامنىڭ دەمەۋشىسى، مەسەنات باۋىرجان وسپانوۆ ارنايى بارعان.
32 جاستاعى وتانداسىمىز قانات يسلام كاسىپقوي بوكسقا 2012 جىلى اۋىسىپ، سول ۋاقىتتان بەرى ەشكىمگە دەس بەرگەن جوق. ول ءوزى وتكىزگەن 23 كەزدەسۋدىڭ بارلىعىندا جەڭىسكە جەتتى. 19 رەت قارسىلاسىن نوكاۋتقا ءتۇسىردى. وسى كەزدەسۋى قانداسىمىزدىڭ اقش جەرىندە وتكىزگەن ءتورتىنشى جەكپە-جەگى. ول WBO Intercontinental جانە WBA Fedelatin تۇجىرىمدارى بويىنشا الەم چەمپيونى.
بوكس باسەكەسى ءالى دە جالعاسۋ ۇستىندە. بۇل كەشتىڭ باستى جەكپە-جەگىندە 48 جاستاعى اتاقتى بوكسشى كىشى روي دجونس 46 جاستاعى بوببي گاننمەن جۇدىرىقتاسادى.
