شىمكەنتتە العاش رەت ۆيچ-جۇقپالى اۋرۋىن قاساقانا جۇقتىردى دەگەن ايىپ بويىنشا سوت پروسەسى ءوتتى دەپ حابارلايدى caravan.kz.

ۇيلەنەمىن دەپ ءسوز بەرگەن شىمكەنتتىك ازامات ينفەكسيانى  ءوز قالىڭدىعىنا عانا ەمەس، ونىڭ ۇلىنا دا جۇقتىرعان.

بىلتىرعى جىلدىڭ جازىندا «جيتس-تان بالالاردى قورعاۋ» قورىنىنا جاس كەلىنشەك كەلگەن. بۇركەنشەك اتى فەرۋزا. ونىڭ اڭگىمەسىنە قاراعاندا  ءبىر جاسار ۇلى سوڭعى ۋاقىتتارى قاتتى جانە ءجيى اۋىرىپ جۇرگەن.  قولدانعان ەم-دومنىڭ ەش ناتيجەسى بولماعاندىقتان، اۋرۋحاناعا ءتۇسىپ قالعان. اناليز ناتيجەلەرى تۋعان ۇلىنان ءۆيچ-تىڭ وڭ ناتيجەلەرىن كورسەتكەندەگى فەرۋزانىڭ تاڭدانىسى مەن قورقىنىشىن ايتساڭىزشى!

بۇل اۋرۋدىڭ قايدان پايدا  بولعانىن تابۋ ماقساتىمەن كەلىنشەك وتە قىزىق جاعدايعا تاپ بولعان. ۇلىن بوسانا سالىسىمەن كۇيەۋىمەن ايىرىلىسقان فەرۋزا 49 جاسار ماكسادحان ۋ-مەن تانىسقان. ءوز كەزەگىندە ماكسادحان وعان ۇيلەنەمىز دەپ ۋادە بەرگەن. الايدا، ارادا ءبىراز ۋاقىت وتكەن سوڭ ەكەۋى ايىرىلسقان. ەكس- جىگىتىتىنىڭ وتكەن ءومىرىن تەكسەرە كەلە، فەرۋزا ونىڭ ناركوديسپانسەردە تىزىمدە تۇرعانىن بىلەدى. جيتس ورتالىعىندا ودان ۆيچ-ينفەكسياسى انىقتالعان ەكەنىن دە كەيىن بىلگەن.  

فەرۋزاعا ءوزىنىڭ ينفەكسيالاعانىن بىلە تۇرا ءتىل قاتپاعان ماكسادحان قاتەرلى اۋرۋدى  كەلىنشەكتىڭ  بالاسىنا دا جۇقتىرعان. ماكسادحاننان فەرۋزاعا، ال فەرۋزانىڭ سۇتىنەن بالاسىنا جۇققان ينفەكسيا وسىلاي جالعاسىن تاپقان.  وسىنداي ماسەلەدەن كەيىن فەرۋزا قۇقىققورعاۋ ورگاندارىنا، پروكۋراتۋراعا كومەك سۇراپ كەلگەن. ناتيجەسىندە ماكسادحان سوتتىڭ الدىنا تۇردى.

سوت پروسەسى شىمكەنتتىڭ ال-فارابي اۋداندىق سوتىندا جابىق تۇردە قارالعان. باستاپقىدا ءوز ەركىمەن كەلىپ جۇرگەن ايىپتالۋشى، ءوزىنىڭ كىناسىن مويىنداعان. الايدا ماكسادحان، سوت ءوز ۇكىمىن شىعارعان سوڭ ءىز-تۇسسىز عايىپ بولعان. سوت ۇكىمى بويىنشا ايىپتالۋشىعا « ەكى جانە ودان دا كوپ تۇلعاعا، كامەلەتكە تولماعان تۇلعاعا قاساقانا جۇقپالى اۋرۋ جۇقتىرۋ» بويىنشا ( 3-ب،118ب) ايىپ تاعىلدى. سوت ايىپتالۋشىنى سىرتتاي سوتتاپ،   4 جىلعا  جازانى جالپى رەجيمدىك كوللونيادا وتەۋ بويىنشا  باس بوستاندىعىنان ايىردى.

زارداپ شەككەن كەلىنشەكتىڭ تالاپتارى جارتىلاي قاناعاتتاندىرىلدى. مورالدىك زارداپ ءۇشىن  سوت ايىپكەردى  1،5 ميلليونا تەڭگە تولەۋگە مىندەتتەدى.

ۇكىم شىعارىلعان سوڭ ماكسادحانعا ىزدەۋ جاريالانعان.  ءبىر قىزىعى، ايىپتالۋشى بۇرىن وتباسىلى بولعان ەكەن، ءتىپتى بالالارى مەن نەمەرەسى دە بار بولىپ شىقتى. الايدا، ونىڭ تۋىستارى ولاردىڭ  قۋانىشقا وراي ۆيچ ينفەكسياسىنان ساۋ ەكەن. سوعان قاراعاندا، ماكسادحان بۇل ينفەكسيانى ءبىرىنشى نەكەدەن كەيىن جۇقتىرعان كورىنەدى.  

بۇل قىلمىس بويىنشا سوت قىسقا مەرزىمدە ايىپ تاقتى، ونىڭ سەبەبى ايىپتالۋشىنىڭ ءوزىنىڭ دە حال-احۋالىنىڭ ءماز ەمەستىگى بولسا كەرەك. ۇكىم ءالى زاڭ كۇشىنە ەنگەن جوق.

ال، فەرۋزا بالاسىمەن بۇگىنگى كۇنى ەم قابىلداپ جاتىر جانە حال-اۋحالى جامان ەمەس.  

اۋدارعان: نازەركە مۇسا