يراننىڭ اتوم قۋاتى ۇيىمىنىڭ اقپارات حاتشىسى يران يسلام رەسپۋبليكاسىندا ۋران بايىتۋ كولەمىنىڭ 20 پايىزعا ۇلعاياتىنىن مالىمدەدى. بۇل تۋرالى Parstoday جازدى.

يران اتوم قۋاتى ۇيىمىنىڭ اقپارات حاتشىسى ءارى قۇقىقتىق، حالىقارالىق جانە پارلامەنتتىك ىستەرىنىڭ ورىنباسارى بەھرۋز كامالۆاندي: «I.R.8 سەنتريفۋگالارى سىناق كەزەڭىندە ۋران گازىمەن بايىتىلعان. ەندى سىناق بىتكەن سوڭ كوپتەپ وندىرىلەدى.

قازىرگى كەزدە ۋران بايىتۋ جۇمىستارى "I.R.1" سەنتريفۋگالارى ارقىلى ورىندالادى. ونىڭ بايىتۋ سىيىمدىلىعى جىلىنا ءبىر سۋ بولىپ تابىلادى، ءبىراق "I.R.8" سەنتريفۋگالارى جىلىنا 20 SWU (Seperative Work Unit) بايىتۋ الەۋەتىنە يە. وسى اپپاراتتى كوپتەپ ءوندىرۋدىڭ ناتيجەسىندە بايىتۋ كولەمى 20 پايىز بولادى» دەدى. كامالۆاندي سونداي- اق ءارتۇرلى بولىمدەردە ءتۇرلى راديو ءدارى ءوندىرۋ سالاسىندا الداعى كوكتەمنىڭ باس كەزىندە 20 جاڭا جەتىستىكتىڭ تۇساۋكەسەرى بولاتىنىن حابارلاپ: «يران ءارتۇرلى راديو ءدارى ءوندىرىپ جاتىر، ويتكەنى بۇل ءونىم مەديسينا عىلىمىندا ساۋلە ارقىلى ەمدەۋ مەن انىقتاۋدا ماڭىزدى ءرول اتقارادى» دەدى.

"I.R.8" سەنتريفۋگالارى سوڭعى ءۇش جىلدا مەحانيكالىق سىناقتاردان ءساتتى وتكەن يران عالىمدارى جوبالاپ جاساعان ەڭ دامىعان سەنتريفۋگالار بولىپ تابىلادى.