بىشكەكتىڭ تانىمال شوۋمەنى، «ازيا MIX» كۆن كومانداسىنىڭ بۇرىنعى ويىنشىسى رۋسلان حالمۋرزين "Sputnik-كىرگىزستان" تىلشىسىنە بەرگەن سۇحباتىندا قازاقستان مەن قىرعىزستاننىڭ تويلارى نەسىمەن ەرەكشەلەنەتىنىن ايتتى.

«نەگىزىنەن، ەكى ەلدىڭ سالت-داستۇرلەرى بىر-بىرىنە ۇقساس. جالعىز ايىرماشىلىق – قىرعىزستاندا بەشبارماق تويدىڭ سوڭىندا بەرىلسە، قازاقستاندا تويدىڭ باسىندا بەرىلەدى. بەشبارماق بەرىلسە، تويدىڭ ءبىتۋى دەپ ويلايتىن ماعان، بۇل ءداستۇر العاشىندا ءبىرتۇرلى كورىندى.

ارينە، قازاقستان – قالا سانى مەن اقشاسى كوپ، ءارى مۇنايعا باي ەل. تويدى دۇركىرەتىپ وتكىزۋگە شامالارى جەتەدى. تويلارىنا ءوز انشىلەرىنەن بولەك، رەسەي انشىلەرىن دە شاقىرعاندى جاقسى كورەدى. جۇما جانە سەنبىنىڭ ءار كەشى قازاقستان جەرىندە ماسكەۋ انشىلەرى ءوربىپ جۇرەدى. ايتپاقشى، ەلدىڭ تۇرعىندارى ەروس رامازوتتيدان گورى، قايرات نۇرتاستى ەرەكشە جاقسى كورەدى. ول انشىمەن ەلدىڭ ءبارى سۋرەتكە ءتۇسىپ الەك. ول نەگىزى جاقسى جىگىت، كەز-كەلگەن تويدىڭ كوركىنە اينالادى.»، - دەپ پىكىرىن ايتتى شوۋمەن.  

ال، قىرعىزستان مەن قازاقستان كەشتەرىنە جۇمسالاتىن قاراجات جونىندە سۇراعاندا، بىلاي جاۋاپ بەرەدى:

«بىشكەكتە ءبىر كەش ءۇشىن ەڭ كوبى 500-800 دوللار اقشا جۇمسالادى. قازاقستان تابيعي رەسۋرستارعا باي قالا، تۇرعىندارى دا كوپ. قازاقستاننىڭ ءبىر تويىندا ويىن ويناتىپ جاتقانىمدا قالجىڭداعانىم بار: «ەگەر ءبىز كونكۋرستا قوناق كوماندانى جەڭسەك، سولاردىڭ ەسەبىنە دۋبايعا بارىپ دەمالىپ قايتامىز» دەپ ەدىم، ءبىر ەر ادام ورنىنان اتىپ تۇرىپ، «نە دەيدى؟ دۋبايعا بارماقشىسىڭدار ما؟» دەپ جار سالدى دا، كومەكشەسىنە 10 مىڭ دوللار ۇسىنىپ، بىزگە بەرۋىن بۇيىردى. ءبىراق، سوندا دا قازاقستاندا داعدارىس لەبى سەزىلەدى».