بيلىك تارماقتارى اراسىندا وكىلەتتىكتى قايتا ءبولۋ قازاقستاننىڭ ستراتەگيالىق دامۋ جوسپارىنىڭ دۇرىس ەكەنىن كورسەتەدى. «پرەزيدەنت ۇسىنعان باسقارۋ رەفورماسى كەلەشەكتە جەمىسىن بەرەرى ءسوزسىز. بۇل – نۇرسۇلتان نازاربايەۆتىڭ دەموكراتيالىق ۇستانىمدى نىعايتۋ جولىنداعى تاريحي شەشىمى»، - دەيدى جۇڭگو ساراپشىسى سۋن چجۋانچجي. بۇنى 24.kz جاڭالىقتارى حابارلايدى.

 سۋن چجۋانچجي، شىۇ زەرتتەۋ ورتالىعىنىڭ باس xاتشىسى:

- قازاقستاندا بيلىك جۇيەسىندە بولاتىن رەفورمالار تۋرالى پرەزيدەنت ن.نازاربايەۆ بۇرىننان ايتىپ كەلە جاتىر. بۇگىنگە دەيىن اتقارىلعان جۇمىستار ەلدىڭ كەلەسى دامۋ كەزەڭىنە نىق سەنىممەن وتۋىنە سەبەپشى بولدى. بيلىك قۇزىرەتىن ۇشكە ءبولۋ بىرنەشە ساياسي كۇشتىڭ بيلىككە كەلۋىنە ىقپال ەتەدى. ياعني قازاقستاندى دامىتۋعا، ەلدى وركەندەتۋگە جاڭا كۇش كەلە جاتىر دەگەن ءسوز. پرەزيدەنتتىك-پارلامەنتتىك جۇيەگە ءوتۋ قازاقستاننىڭ قازىرگى جاعدايىنا سايكەستەندىرىپ جۇرگىزىلەدى. سوندىقتان بۇل تۇراقتىلىقتى ساقتايدى.