قىتايدىڭ حەنان پروۆينسياسىندا تۇڭعىش روبوت-پوليسەي قىزمەتىنە كىرىستى. ول چجەنچجوۋ قالاسىنىڭ تەمىرجول ۆوكزالىنداعى كۇتۋ زالىن كۇزەتەدى، دەپ حابارلايدى lenta.ru.
روبوت-پوليسەي ءوز بەتىمەن بەرىلگەن اۋداندى كۇزەتەدى، ادامداردىڭ بەت-الپەتىن سكانەرلەپ جانە اجىراتىپ، جولاۋشىلاردىڭ سۇراقتارىنا جاۋاپ بەرە الادى. سونداي-اق ول اۋا تەمپەراتۋراسىن انىقتاپ، ءورت ءقاۋپىن ەسكەرتەدى.
ازىرگە روبوت تەستىلەۋ رەجيمىندە ىسكە قوسىلعان. جاقىن ارادا ونى تۇنگى مەزگىلدە جۇمىس ىستەتۋ جوسپارلانۋدا. سەبەبى تۇندە كۇتۋ زالىندا جولاۋشىلار كوپ بولادى.
ايتا كەتەر بولساق، جاقىندا عانا قىتايدا العاشقى روبوت جۋرناليست قىزمەتكە كىرىسىپ، العاشقى ماقالاسىن جازعان بولاتىن. سياو نان ەسىمدى روبوت كوررەسپوندەنت 300 يەروگليفتەن تۇراتىن العاشقى ماقالاسىن 1 سەكۋندتا جازعان ەدى.
