قازاقستاننىڭ سيريا ماسەلەسىن كوتەرۋى جانە ەكسترەميزم مەن تەرروريزمگە قارسى كۇرەسى ەۋروپالىقتار ءۇشىن ۇلگى دەپ ەسەپتەيدى بەلگيانىڭ فەدەرالدى پارلامەنتىنىڭ سەناتورى الان دەستەكس دەپ حابارلايدى 24.kz. ساياساتكەر قازاقستان بۇۇ قاۋىپسىزدىك كەڭەسىندەگى تۇراقتى ەمەس مۇشەسى رەتىندە جاقسى جۇمىس اتقارادى.

«قازاقستاننىڭ سيرياداعى جاعدايدى تۇراقتاندىرۋدا ءوز ۇلەسىن قوسۋ ارقىلى راديكالدى ەكسترەميزممەن كۇرەستە وتە ماڭىزدى رول وينايدى. الداعى ۋاقىتتا سيريا مەن يراكتاعى جاعدايدى تۇراقتاندىرا الادى. قازاقستان يراندىق يادرولىق ماسەلەنى شەشۋىنە دە ۇلەس قوستى» دەپ مالىمدەدى بەلگيا سەناتورى.  

الان دەستەكستىڭ سوزىنشە ەلىمىز جاقسى گەوگرافيالىق ايماقتا ورنالاسقان جانە اقش، جۇڭگو، رەسەيمەن قارىم-قاتىناسى جاقسى ەل رەتىندە بۇۇ قاۋىپسىزدىك كەڭەسىنە «ديالوگ داۋىسىن» الىپ كەلە الادى.  

گەرمانيادا جىلدا وتەتىن ميۋنحەندىك كونفەرەنسيا ءوتتى. وندا سيريالىق شيەلەنىستى تۇراقتاندىرۋ ماسەلەسى كوتەرىلدى. ساراپشىلاردىڭ ويىنشا ەكى تاراپتىڭ كەلىسسوزدەر ۇستەلىنە وتىرىپ، ماسەلەنى شەشۋى استانادا باستاۋ الدى.